لاہور: (ویب ڈیسک) وفاقی تحقیقاتی ادارے (ایف آئی اے) نے مرکزی صدر پاکستان تحریک انصاف اور سابق وزیراعلیٰ پنجاب چودھری پرویز الہٰی کو جوڈیشل مجسٹریٹ کی عدالت کے روبرو پیش کردیا۔
ایف آئی اے کی ٹیم کی جانب سے سابق وزیراعلیٰ پنجاب چودھری پرویز الہٰی کو جوڈیشل مجسٹریٹ غلام مرتضیٰ ورک کی عدالت میں پیش کیا گیا ہے جہاں ان کے جسمانی ریمانڈ کی استدعا کی جائے گی۔
کچھ دیر قبل ایف آئی اے نے سابق وزیراعلیٰ پنجاب چودھری پرویز الہٰی کو کیمپ جیل کے باہر سے گرفتار کیا تھا، پرویز الہٰی کے خلاف منی لانڈرنگ کا مقدمہ گزشتہ روز درج کیا گیا تھا۔
یاد رہے گزشتہ روز اینٹی کرپشن عدالت نے غیر قانونی بھرتیوں کے کیس میں سابق وزیراعلیٰ پنجاب چودھری پرویز الہٰی کی ضمانت منظور کی تھی۔
