بالی ووڈ اسٹار شاہد کپور کی 54 ویں انٹرنیشنل فلم فیسٹیول انڈیا (IFFI) میں پرفارمنس کے دوران اسٹیج پر گرنے کی ویڈیو سوشل میڈیا پرخوب وائرل ہورہی ہے۔
سماجی رابطوں کی ویب سائٹ ایکس پر وائرل کلپ میں دیکھا جاسکتا ہے کہ شاہد کپور سیاہ لباس پہن کر اسٹیج پر پرفارم کر رہے تھے۔ انہیں چاروں طرف سے ڈانسرز کے گروپ نے گھیر رکھا تھا۔
اسی دوران اداکار ڈانس کرتے کرتے گرپڑے، تاہم انہوں نے پھرتی سے اٹھ کر اپنی پرفارمنس کو جاری رکھا۔
اداکار نے گرنے کے باوجود چند لمحوں کا توقف کیا اور ایسے اٹھ کھڑے ہوئے جیسے کہ کچھ ہوا ہی نہیں تھا، اس دوران خواتین ڈانسرز نے تسلسل برقرار رکھنے کے لیے اپنی پرفارمنس جاری رکھی ہوئی تھی۔
