امریکی ریاست فلوریڈا کے ایک پارک میں انتہائی یاناب نسل کے مگرمچھ کے بچے کی پیدائش ہوئی ہے اور دنیا اس نسل کے صرف 8 مگر مچھ ہی موجود ہیں۔
پارک انتظامیہ کا کہنا ہے کہ نایاب نسل مگرمچھ کا نام ’لیوسیٹک ایلیگیٹرز‘ ہے جو کہ امریکی مگر مچھوں کی ایک انتہائی نایاب نسل ہے اور مگر مچھ کی پیدائش کا جشن بھی منایا گیا۔
پارک نے مگرمچھ کے بچے کی پیدائش کا اعلان سوشل میڈیا پر کرتے ہوئے بتایا کہ دنیا میں اس نسل کے صرف سات مگرمچھ ہیں، جن میں سے تین گیٹرلینڈ پارک میں موجود ہے اور حالیہ پیدائش کے بعد یہ بچہ اب اٹھواں مگر مچھ بن چکا ہے۔
انتظامیہ کے مطابق یہ ایک مادہ مگرمچھ ہے، اس نسل کے مگر مچھ کی آنکھ نیلی رنگ کی اور جسم پر کوئی اور رنگ نہیں ہوتا، جبکہ سفید رنگ ہونے کی وجہ سے یہ مگر مچھ دھوپ میں زیادہ دیر تک نہیں رہ سکتے کیونکہ ان کی جلد کو سورج کی شعاعیں متاثر ہوسکتی ہے۔
پارک انتظامیہ کی جانب سے یاناب نسل کے مگرمچھ کو آئندہ سال کے آغاز میں عوامی نمائش کیلئے رکھا جائے گا اور عوام سے اس کا منفرد نام رکھنے کے لیے مدد بھی مانگی ہے۔
