پاکستان تحریک انصاف (پی ٹی آئی) کے رہنما اور سابق اسپیکر قومی اسمبلی اسد قیصر نے دعویٰ کیا ہے کہ ہماری جماعت بھاری اکثریت سے الیکشن جیتے گی۔
پشاور میں میڈیا سے گفتگو کرتے ہوئے اسد قیصر نے کہا کہ کاغذات نامزدگی چھیننے کے واقعات سامنے آرہے ہیں، یہ الیکشن نہیں بلکہ سلیکشن پلس ہے۔
قومی اسمبلی کے سابق اسپیکر نے کاغذات نامزدگی چھیننے کے واقعات کو جواز بناتے ہوئے سوال اٹھایا کہ اس وقت الیکشن کمشنر کا کیا کام ہے ؟
انھوں نے کہا کہ ہم قانون کے مطابق اپنی جدوجہد جاری رکھیں گے، ہمارا قانونی حق ہےکہ آزادی کے ساتھ الیکشن لڑیں، پاکستان کے بہتر مفاد میں ہےکہ شفاف الیکشن ہو۔
