تحریک انصاف کے رہنما اور معروف قانون دان لطیف کھوسہ کے بیٹے خرم لطیف کو لاہور پولیس نے گرفتار کرلیا ہے۔
سماجی رابطے کی ویب سائٹ ٹویٹر پر تحریک انصاف کے وکیل انتظار حسین پنجوتھا نے ایک ایف آئی آر شیئر کرتے ہوئے تصدیق کی ہے کہ لطیف کھوسہ کے بیٹے خرم لطیف کھوسہ کو گرفتار کرلیا گیا ہے۔
وکیل انتظار حسین کے مطابق لاہور کے تھانہ مزنگ پولیس نے خرم لطیف کھوسہ کو دہشت گردی کے مقدمے میں گرفتار کیا ہے۔
