Yearly Archives: 2023

اہم خبریں, پاکستان

پنجاب بھر میں شادی تقریبات میں ون ڈش اور اوقات کار پر پابندی عائد

نگراں وزیر اعلیٰ پنجاب محسن نقوی کا صوبے بھر میں شادی تقریبات میں ون ڈش اور اوقات کار پر پابندی عائد کردی۔

نگراں وزیر اعلیٰ پنجاب نے صوبے بھر کے کمشنرز، آر پی اوز، ڈپٹی کمشنرز اور ڈی پی اوز کو ہدایات جاری کردیں۔

محسن نقوی نے کہا کہ آج رات شادی بیاہ کی تقریبات کو خصوصی طور پر چیک کیا جائے، ون ڈش اور اوقات کار کی خلاف ورزی پر بلا امتیاز کارروائی کی جائے۔

نگراں وزیراعلیٰ پنجاب نے ہدایت کی کہ شادی ہالز کے ساتھ فارم ہاؤسز کو بھی چیک کیا جائے اور خلاف ورزی پر بلاامتیاز کارروائی کی جائے، ون ڈش یا اوقات کار کی پابندی نہ کرنے والوں سے کوئی رعایت نہ برتی جائے۔

محسن نقوی نے سرکاری ملازمین کی رہائش کیلئے ملٹی اسٹوریز ٹاور کا سنگ بنیاد رکھ دیا

دوسری جانب نگراں وزیراعلیٰ پنجاب محسن نقوی کی چوبرجی اسٹاف کالونی آمد ہوئی، سرکاری ملازمین کی رہائش کے لیے ملٹی اسٹوریز ٹاور کا سنگ بنیاد رکھ دیا جبکہ سرکاری ملازمین کے لیے ملٹی اسٹوری 4 اپارٹمنٹس ٹاورز اور ٹاور کے ہر فلور پر 6 اپارٹمنٹس بنانے کا فیصلہ کرلیا گیا۔

نگراں وزیراعلیٰ محسن نقوی کا چوبرجی میں سرکاری ملازمین کے لیے ملٹی اسٹوری 4 اپارٹمنٹس ٹاورز بنانے کا اعلان کرتے ہوئے کہا کہ 5 منزلہ ٹاور میں گریڈ 11 سے گریڈ 14تک ملازمین کے لیے رہائش گاہیں بنائی جائیں گی، ٹاور کے لیے ٹیوب ویل چیمبر اور جنریٹر روم بھی بنایا جائے گا، انڈر گراؤنڈ واٹر ٹینک بھی بنایا جائے گا، لفٹ بھی نصب کی جائے گی، ہر ٹاور میں 30 کاروں اور 40 موٹر سائیکلوں کی پارکنگ بھی ہوگی، ٹاور کے ہر فلور پر 6 اپارٹمنٹس بنائے جائیں گے۔

تقریب سے خطاب کرتے ہوئے محسن نقوی کا کہنا تھا کہ سول سیکرٹریٹ کے علاوہ صرف سی بی ڈی کے ان 4 ٹاورز میں سرکاری دفاتر ہوں گے، کرائے کی عمارتوں میں قائم دفاتر کو سی بی ڈی ٹاورز میں شفٹ کر دیا جائے گا جس سے کروڑوں روپے کی بچت ہوگی، پنجاب سول سیکرٹریٹ کی بری حالت تھی اب یکسر بدل چکی ہے، ہم چوبرجی میں نکاسی آب اور سکیورٹی کا مسئلہ حل کریں گے کیونکہ یہاں 7سوملازمین کی فیملیز رہائش پذیر ہیں۔

نگراں وزیراعلیٰ پنجاب کی ہدایت پر ایل ڈی اے سٹی میں الاٹیز کا دیرینہ مسلہ حل ہوگیا

ادھر نگراں وزیراعلیٰ پنجاب محسن نقوی کی ہدایت پر ایل ڈی اے سٹی میں الاٹیز کا دیرینہ مسلہ حل ہو گیا، 10سال بعد ایل ڈی اے سٹی میں لوگوں کو پلاٹ کے قبضے دے دیے گئے۔

نگراں وزیراعلیٰ پنجاب کی ہدایت پر وزیر ہاؤسنگ اظفر علی ناصر نے الاٹیز میں پلاٹوں کے قبضہ کے لیٹرز تقسیم کیے۔

تقریب میں جناح سیکٹر سی بلاک کے 100 الاٹیز کو پوزیشن لیٹر دیے گئے۔

صوبائی وزیر اظفر علی ناصر نے کہا کہ 1200 کنال پر مشتمل سی بلاک میں 5,10 مرلے، ایک اور 2 کنال کے کل 15 سو پلاٹس ہیں، لوگ اپنے بقایا واجبات ادا کرکے قبضہ لے سکتے ہیں اور گھر کی تعمیر کا آغاز کر سکتے ہیں، جناح سیکٹر،سی بلاک کے بعد مرحلہ وار دیگر بلاکس اور پھر اقبال سیکٹر کے پوزیشن بھی دیے جائیں گے۔

انہوں نے کہا کہ ایل ڈی اے سٹی میں تھیم پارک، ہیلتھ، ایجوکیشن، انڈسٹریل بلاک کے علاؤہ کمرشل سرگرمیوں کا نیا مرکز بنے گا، 42 کنال پر مشتمل سپورٹس کمپلیکس آئندہ چند ماہ میں مکمل کر لیا جائے گا،ہم اس سکیم میں رہائشیوں کو تمام سہولیات کی جلد از جلد فراہمی کے لیے مکمل تعاون فراہم کریں گے۔

کھیل

یونس خان نے ڈیپارٹمنٹل کرکٹ کی اہمیت پر آواز بلند کردی

  کراچی: سابق ٹیسٹ کپتان یونس خان نے ایک مرتبہ پھر ڈیپارٹمنٹل کرکٹ کی اہمیت پر اپنی آواز بلند کردی۔

کے پی ٹی فٹبال اسٹیڈیم میں تقریب میں اظہار خیال کرتے ہوئے انہوں نے کہا کہ  محکہ جاتی سطح پر کھیلوں کی سرپرستی بہت ضروری ہے۔ ماضی میں ڈیپارٹمنٹل اسپورٹس سے ہی اچھے کرکٹرز سامنے آئے۔

یونس خان نے کہا کہ کرکٹ کے فروغ کی وجہ بھی یہ تھی کہ ڈیپارٹمنٹل کرکٹ کا انعقاد ہوا۔ کراچی میں کرکٹ کی ترقی کی وجہ بھی ڈیپارٹمنٹل کرکٹ ہی تھی۔

اہم خبریں, پاکستان

پی ٹی آئی نے انتقامی کارروائیوں کے معاملے پر الیکشن کمیشن میں درخواست دے دی

پاکستان تحریک انصاف کے خلاف انتقامی کارروائیوں کے معاملے پر پی ٹی آئی کے 54 رہنماؤں اور امیدواروں نے الیکشن کمیشن میں مشترکہ درخواست دے دی۔

درخواست میں تحریک انصاف نے وفاقی اور چاروں صوبائی حکومتوں، 17 ڈی آر اوز، نادرا، پیمرا اور پی ٹی اے کو فریق بنایا ہے۔

درخواست میں پاکستان تحریک انصاف نے پی ٹی آئی رہنماؤں اور ورکرز امیدواروں کے خلاف جاری کارروائیاں روکنے کا مطالبہ کیا ہے۔

درخواست میں مؤقف اختیار کیا گیا کہ ملک بھر میں تحریک انصاف کے ساتھ انتقامی کارروائیاں کی جارہی ہیں، پی ٹی آئی کو نگراں حکومتیں آئینی حق سے محروم کررہی ہیں، پی ٹی آئی امیدواروں، تائید و تجویز کنندگان کو آر اوز کے دفاتر سے گرفتار کیا جارہا ہے۔

پاکستان تحریک انصاف نے درخواست میں 49 حلقوں میں پیش آنے والے واقعات کی تفصیلات جمع کرا دیں۔

درخواست میں کہا گیا کہ پی ٹی آئی انٹرنیٹ بند کرکے بنیادی حق سے محروم کررہا ہے، نادرا نے پی ٹی آئی وررکرز اور رہنماوں کے شناختی کارڈز بلاک کیے، لاہور، راولپنڈی، میانوالی، ملتان، فیصل آباد سمیت 17 اضلاع میں ڈی آر اوز نے کوئی کارروائی نہیں کی، پی ٹی آئی ورکرز کو پولیس حراساں کررہی ہے۔

تحریک انصاف نے مزید کہا کہ بطور جماعت تحریک انصاف کو ٹی وی چینلز پر کوریج نہیں دی جارہی، الیکشن کمیشن آئین کے آرٹیکل 218،220 کے تحت صاف شفاف انتخابات کرائے۔

درخواست میں استدعا کی گئی کہ الیکشن کمیشن وفاقی و صوبائی حکومتوں کو پی ٹی آئی کے خلاف جاری کاروائیاں روکنے کا حکم دے۔

درخواست شاہ محمود قریشی، مونس الہٰی، جمشید دستی، شیخ وقاص اکرم، بشارت راجہ اور دیگر رہنماوں نے دی جبکہ پی ٹی آئی کی طرف سے وکیل انتظار پنجوتھہ نے درخواست جمع کرائی۔

انٹر نیشنل

چین؛ میزائل یونٹ سے منسلک 4 جرنیلوں سمیت 9 فوجی اہلکارپارلیمنٹ سے برطرف

بیجنگ: چین میں 9 اعلیٰ فوجی اہلکاروں کو پارلیمنٹ سے برطرف کردیا گیا۔

غیرملکی میڈیا کے مطابق چین کی پارلیمنٹ سے جن 9 فوجی اہلکاروں کو برطرف کیا گیا ہے ان میں اسٹرٹیجک میزائل یونٹ سے منسلک 4 جرنیل بھی شامل ہیں۔  یہ برطرفیاں نئے وزیردفاع کی تعیناتی کے بعد عمل میں آئی ہیں۔

چین کی سرکاری خبر ایجنسی کا کہنا ہے کہ نو منتخب 9 فوجی اہلکاروں کو اچانک برطرف کرنے کی مزید تفصیلات جاری نہیں کی گئی ہیں۔ رواں سال اکتوبر میں چین کے وزیردفاع لی شانگفو کو اچانک اُن کے عہدے سے  برطرف کر دیا گیا تھا  اور اس کے بعد سے اُن کے بارے میں کوئی اطلاع نہیں کہ وہ کہاں ہیں۔

حالیہ برطرفیوں کو فوجی اسٹیبلشمنٹ میں اعلٰی سطح پر ری اسٹرکچرنگ کے طور پر دیکھا جا رہا ہے۔

Uncategorized

خیبر پختونخوا میں دریا سے ماہانہ ایک کروڑ کا سونا نکالنے کا غیرقانونی کام

نوشہرہ میں دریائے اباسین سے ریت چھان کر سونا نکالنے کا غیرقانونی عمل جاری ہے۔ ڈپٹی کمشنر نوشہرہ خالد خٹک کا کہنا ہے کہ غیر قانونی طور پر سونا نکالنے کا کام کافی پرانا ہے تاہم کسی کو بھی اس کی اجازت نہیں ہے۔

نوشہرہ کے علاقے نظام پور میں غیر قانونی طور پر سونا نکالنے والے بااثر مافیا کے سامنے قانون بھی بے بس ہے۔ اٹھارہ لاکھ روپے ماہانہ کرائے پر لی گئیں متعدد ایکسکیویٹرز دریائے اباسین سے دن رات سونا نکال رہی ہیں۔

دریائے اباسین کے کنارے یہ دیوہیکل کرینیں دریا سے ریت چھان کر سونا نکال رہی ہیں۔ ذرائع کے مطابق ایک ماہ میں پچاس لاکھ سے ایک کروڑ روپے کا سونا ایک مشین نکال لیتی ہے۔

نظام پور میں یہ غیرقانونی کام دو سال سے ہورہا ہے۔ مقامی لوگ بھی کہتے ہیں کہ یہ بڑے لوگ ہیں ان پر ہاتھ نہیں ڈالا جاسکتا۔ یہ مافیا ریت کے بند باندھ کر پانی کے دھارے کو کاٹتے ہیں اور کرینیں آگے لے جا کر ریت نکالتی ہیں۔

یہ کام سر عام ہورہا ہے، دن دیہاڑے ہورہا ہے لیکن نہ پولیس اور نہ ہی انتظامیہ اس کام کو رکوا سکتی ہے۔ آج نیوز نے اے ڈی معدنیات اور ڈی سی نوشہرہ سے رابطہ کیا تو انکا کہنا تھا کہ اس مافیا پر ہاتھ ڈالنا انکا کام نہیں ہے۔

 

 

غیر قانونی طور پر سونا نکالنے کا کام کافی پرانا ہے، ڈپٹی کمشنر نوشہرہ

نوشہرہ کے ڈپٹی کمشنر خالد خٹک نے گزشتہ دونوں بی بی سی کو بتایا کہ نظام پور میں پچھلے دو سال سے بڑے پیمانے پر دریائے سندھ یا اباسین سے بڑی مشینری کی مدد سے سونا نکالنے کا کام ہو رہا ہے تاہم کسی کو بھی اس کی اجازت نہیں۔

خالد خٹک نے بی بی سی کو بتایا کہ نوشہرہ سے گزرنے والے دریائے سندھ اور دریائے کابل سے غیر قانونی طور پر سونا نکالنے کیلئے 2022 میں بھاری اور جدید مشینری کا استعمال شروع ہوا اور رواں سال اس میں کافی اضافہ ہوا۔

ڈپٹی کمشنر نے مزید بتایا کہ سونے کی غیر قانونی مائیننگ کی روک تھام کے لیے نظام پور میں واقع سیمنٹ فیکٹری کے قریب پولیس اور محکمہ معدنیات کی مشترکہ چیک پوسٹ بھی قائم کر دی گئی اور محکمہ معدنیات کی درخواست پر کارروائی بھی کی جاتی ہے۔

خالد خٹک کا کہنا تھا کہ غیر قانونی کام میں ملوث افراد کے خلاف 858 مقدمات درج کیے جا چکے ہیں۔ اُنھوں کہا کہ اب تک 825 افراد گرفتار کیے گئے ہیں جن سے ستر لاکھ روپے جرمانہ وصول کیا گیا۔

اُن کا مزید کہنا تھا کہ 12 ایکسکیویٹرز، سات گاڑیاں اور 20 موٹر سائیکلوں سمیت مختلف قسم کے آلات بھی قبضے میں لیے گئے ہیں۔

اہم خبریں, پاکستان

لاہور اور میانوالی سے عمران خان کےکاغذات نامزدگی مسترد ہوگئے

بانی پاکستان تحریک انصاف (پی ٹی آئی) عمران خان کے لاہور اور میانوالی سےکاغذات نامزدگی مسترد ہوگئے۔

مسلم لیگ ن کے رہنما میاں نصیر نے لاہور کے حلقہ این اے 122 سے عمران خان کےکاغذات نامزدگی پر اعتراض کیا تھا۔

میاں نصیرکا اعتراض تھا کہ بانی پی ٹی آئی کے تجویزکنندہ  اور  تائیدکنندہ  این اے 122 سے نہیں ہیں، وہ توشہ خانہ کیس میں نا اہل بھی ہیں اس لیے الیکشن میں حصہ نہیں لے سکتے۔

آر او نے گزشتہ روز کاغذات نامزدگی پر اعتراض پر فیصلہ محفوظ کیا تھا جو کہ آج سنا دیا گیا ہے۔

آر او کے مطابق بانی چیئرمین پی ٹی آئی عمران خان سزا یافتہ ہیں۔

این اے 122 سے مسلم لیگ ن کے رہنما خواجہ سعد رفیق کے کاغذات نامزدگی منظور کیےگئے ہیں۔

این اے 122 سے تحریک انصاف کے رہنمالطیف کھوسہ اور اظہرصدیق ایڈووکیٹ کے بھی کاغذات نامزدگی منظور ہوئے ہیں۔

 این اے 89 میانوالی سے بھی عمران خان کےکاغذات نامزدگی مسترد

دوسری جانب این اے 89 میانوالی سے بھی بانی پی ٹی آئی کے کاغذات نامزدگی مسترد ہوگئے ہیں۔

بانی پی ٹی آئی کےکاغذات نامزدگی پر خرم روکھڑی اور خلیل الرحمان نے اعتراضات کیے تھے۔

درخواست گزاروں کا کہنا تھا کہ بانی پی ٹی آئی سزا یافتہ اور نااہل ہیں۔

آر او نےگزشتہ روزکاغذات نامزدگی سے متعلق فیصلہ محفوظ کیا تھا جو کہ آج سنایا گیا ہے۔

صحت

پالتو جانوروں سے تنہا عمر رسیدہ افراد کی ذہنی صلاحیت بہتر ہوتی ہے، تحقیق

گوانگ ژو: حال ہی میں ایک تحقیق میں پایا گیا کہ وہ عمر رسیدہ افراد جو  اپنے پالتو جانوروں کے ساتھ تنہا رہتے ہیں، ان میں ذہنی صلاحیت دیگر تنہا رہنے والے معمر افراد کے مقابلے میں بہتر ہوتی ہے۔

جاما اوپن نیٹ ورک میں شائع ہونے والی ایک تحقیق میں ان عمر رسیدہ افراد کی بہتر ذہنی صلاحیت پر روشنی ڈالی گئی ہے جو پالتو جانوروں کے مالک ہیں اور تنہا زندگی بسر کر رہے ہیں۔

مطالعہ گوانگزو، چین میں سن یات سین یونیورسٹی میں ڈاکٹر یانزی لی اور ان  کے ساتھیوں نے کیا۔ اس تحقیق میں اوسطاً 66 سال کے 7,945 معمر شرکا اور پالتو جانوروں کے درمیان تعلق کا پتہ لگایا۔

نتائج میں پالتو جانور رکھنے کی وجہ سے شرکا کی ذہنی صلاحیت میں بہتری کا انکشاف ہوا۔ معمر افراد نے بول چال، اس میں روانی اور یادداشت میں بہتری کا مظاہرہ کیا۔

پاکستان

’این اے 121 میرا آبائی حلقہ ہے‘ ٹکٹ کی تقسیم پر شیخ روحیل لیگی قیادت کے سامنے ڈٹ گئے

پاکستان مسلم لیگ (ن) کے رہنماء شیخ روحیل اصغر الیکشن کیلئے این اے ایک سو اکیس میں ٹکٹ کی تقسیم کے معاملے پر لیگی قیادت کے سامنے ڈٹ گئے۔

پارٹی ذرائع کے مطابق لیگی رہنما شیخ روحیل نے پارٹی کے پارلیمانی بورڈ کے اجلاس میں موقف اختیار کیا کہ این اے ایک سو اکیس میرا آبائی حلقہ ہے اور میں یہاں سے ہی الیکشن لڑوں گا۔

اس حوالے سے پارٹی ذرائع نے مزید بتایا کہ ن لیگ کے پارلیمانی بورڈ کے اجلاس میں شیخ روحیل نے یہ بھی کہا کہ آزاد حیثیت میں بھی الیکشن لڑنا پڑا تو لازمی لڑوں گا۔

ذرائع کا کہنا ہے کہ پارٹی قیادت روحیل اصغر اور ایاز صادق کے ایک حلقے سے ٹکٹ کے مطالبے پر امتحان میں پڑ گئی ہے، تاہم پارلیمانی بورڈ ن سفارش کی ہے کہ این اے 121 میں ٹکٹ کا حتمی فیصلہ پارٹی قائد نواز شریف خود کریں ہے۔

پاکستان

رواں سال ملک بھر میں 566 دہشت گرد ہلاک، سکیورٹی اہلکاروں سمیت ایک ہزار شہید

 اسلام آباد: رواں سال ملک بھر میں 18736 انٹیلی جنس آپریشنز میں 566 دہشت گرد مارے گئے اور 5161 کو گرفتار کیا گیا، فوج کے 260 افسران اور جوانوں سمیت ایک ہزار سے زائد افراد نے جانوں کا نذرانہ پیش کیا، سب سے زیادہ دہشت گرد 447 کے پی کے میں مارے گئے۔

ایکسپریس نیوز کے مطابق سال 2023ء میں خطے میں بدامنی کی صورتحال کے پیش نظر ملکی دفاع، سلامتی اور دہشت گردی کے خلاف موثر اقدامات کیے گئے، حالیہ دہشت گردی کے واقعات کے تانے بانے اور شواہد افغانستان میں موجود دہشت گردوں کی پناہ گاہوں تک جاتے ہیں۔

رواں سال 2023ء میں سیکیورٹی فورسز کی جانب سے ملک بھر میں 18736 انٹیلی جنس بیسڈ آپریشنز کیے گئے۔ انٹیلی جنس بیسڈ آپریشنز کے نتیجے میں 566 دہشت گرد جہنم واصل کیے گئے جبکہ 5161 دہشت گردوں کو گرفتار کیا گیا۔

سال 2023ء میں سیکیورٹی فورسز نے بروقت کارروائی کرتے ہوئے متعدد انتہائی مطلوب دہشت گردوں کو بھی جہنم واصل کیا۔

انٹیلی جنس ایجنسیز کے مؤثر آپریشنز کے باعث گلزار امام شمبے اور سرفراز بنگلزئی، بلوچ نیشنل آرمی کے اہم ترین کمانڈرز نے دہشت گردی چھوڑ کر قومی دھارے میں واپس شمولیت اختیار کی۔

چاروں صوبوں کے اعداد و شمار کے مطابق بلوچستان میں 15063 انٹیلی جنس بیسڈ آپریشنز کیے گئے اور 109 دہشت گردوں کو جہنم واصل کر دیا گیا، کے پی میں 1942 انٹیلی جنس بیسڈ آپریشنز کیے گئے جبکہ 447 دہشت گردوں کو جہنم واصل کیا گیا۔ پنجاب میں 190، گلگت بلتستان میں 14 اور سندھ میں 1987 انٹیلی جنس بیسڈ آپریشنز کیے گئے جبکہ 10 دہشت گردوں کو سندھ میں جہنم واصل کیا گیا۔

دہشت گردی کے خلاف جنگ میں افواج پاکستان، دیگر قانون نافذ کرنے والے اداروں اور عوام نے بے لوث قربانیاں دیں۔ دہشت گرد حملوں میں پاک فوج کے 260 سے زائد افسران اور جوانوں سمیت تقریباً 1 ہزار سے زائد افراد نے وطنِ عزیز کی خاطر اپنی جانوں کا نذرانہ پیش کیا۔

پاکستان

شاہ محمود کے ساتھ جو ہوا اس کی مذمت کرتے ہیں، فیصل کریم کنڈی

پیپلزپارٹی کے مرکزی سیکرٹری اطلاعات فیصل کنڈی نے کہا ہے کہ عدالتوں میں کاغذات چھیننا اور شاہ محمود قریشی کے ساتھ جو ہوا اس کی مذمت کرتے ہیں۔

اقبال بم کی قیادت میں ناظمین و کونسلرز کے گروپ کی پارٹی میں شمولیت کے مو قع پر پریس کانفرنس کرتے ہوئے فیصل کریم کنڈی نے کہا کہ اگر کسی سرکاری کو سیاست کا شوق ہے تو وردی اتار کر میدان میں آجائیں۔

انہوں نے کہا کہ پیپلز پارٹی 9 مئی کے واقعات کی آڑ میں سیاسی انتقام کے خلاف ہے، عدالتوں میں کاغذات چھیننا اور شاہ محمود قریشی کے ساتھ جو ہوا اس کی مذمت کرتے ہیں۔

فیصل کنڈی کا کہنا تھا کہ شاہ محمود قریشی پر سب سے پہلے پیپلز پارٹی نے مذمت کی کیونکہ پیپلز پارٹی کا ہمیشہ سے یہ مطالبہ رہا کہ تمام سیاسی جماعتوں کو یکساں لیول پلینگ فیلڈ دی جانی چاہیے۔