پاکستان کیلئے اسٹینڈ بائی ارینجمنٹ پروگرام کے تحت قرض سے متعلق عالمی مالیاتی فنڈ کے ایگزیکٹو بورڈ کا اجلاس آج ہوگا۔
پاکستان اور آئی ایم ایف کے درمیان پہلے اقتصادی جائزے کی تکمیل پر اسٹاف لیول معاہدہ پندرہ نومبر کو طے پایا تھا۔
خیال رہے کہ پاکستان کو قرض پروگرام میں سے ایک اعشاریہ دو ارب ڈالر پہلے ہی مل چکے ہیں، جبکہ مزید 70 کروڑ ڈالر ملنے سے جاری کردہ رقم ایک اعشاریہ نو ارب ڈالر ہو جائے گی۔
پروگرام کے تحت آخری قسط کے لیے مذاکرات فروری کے آخری ہفتے میں ہوں گے۔
دوسرے اقتصادی جائزہ کے تحت پاکستان کو ایک اعشاریہ ایک ارب ڈالر کی فراہمی ممکن ہو سکے گی۔
