ن لیگ، پی پی اورایم کیو ایم کی ’’عبرت ناک جیت ‘‘ ہمیشہ یاد رکھی جائے گی، سراج الحق

 لاہور: امیر جماعت اسلامی سراج الحق نے کہا ہے کہ ن لیگ، پی پی اور ایم کیو ایم کی ’’عبرت ناک جیت ‘‘ ہمیشہ یاد رکھی جائے گی۔

سراج الحق نے اپنے بیان میں کہا ہے کہ سلیکٹڈ، امپورٹڈ سے ڈیفیکٹڈ وزیراعظم کی تشکیل کا سفر جاری ہے، جہاں عوام کے ووٹ کی قدر نہ ہو وہ ملک دنیا میں تماشا بن جاتے ہیں۔

انہوں نے کہا کہ 2024ء کے انتخابات میں جیتنے والے ہارنے والوں سے زیادہ پریشان ہیں،  ن لیگ، پی پی اور ایم کیو ایم کی ’’عبرت ناک جیت ‘‘ ہمیشہ یاد رکھی جائے  گی۔

امیر جماعت  کا کہنا تھا کہ 8فروری کی رات پولنگ سٹیشنوں پر نہیں قوم کے مستقبل پر ڈاکا ڈالا گیا، ووٹ چوری کرکے نوجوانوں کو مزید مایوس کیا گیا۔

سراج الحق نے کہا کہ  65 فیصد آبادی کو ناامیدی کے اندھیروں سے نکالیں گے۔