بالی وڈ کے دبنگ اداکار سلمان خان نے نوبیاہتا جوڑے اننت امبانی اور رادھیکا مرچنٹ کے بچوں کیلئے دعا کردی۔
12 جولائی کو عالیشان تقریب میں ایشیا کے سب سے امیر ترین بزنس مین مکیش امبانی کے چھوٹے بیٹے اننت امبانی اپنی دیرینہ محبت رادھیکا مرچنٹ کے ساتھ رشتہ ازدواج میں منسلک ہوئے۔
مکیش اور نیتا امبانی نے 60 کی دہائی کی یاد تازہ کردی
طویل اور مہنگی ترین تقریبات جو گزشتہ کئی ماہ سے جاری تھیں اس میں نہ صرف بالی وڈ کے متعدد شخصیات کو مدعو کیا گیا بلکہ دنیا بھر کی نامور شخصیات ان تقریبات کا حصہ بنی نظر آئیں۔
اننت اور رادھیکا کی تقریبات کا اہتمام جیو ورلڈ کنوینشن سینٹر میں منعقد کیا گیا تھا 8 جولائی کو گرہ شانتی پوجا کے بعد 10 جولائی کو دولہا اور دلہن کے اعزاز میں جشن منایا گیا۔
امبانی ویڈنگ میں مہمانوں کی کلائی میں موجود ’کلر بینڈز’ کا راز کیا؟
بعدازاں اس جوڑے کی شادی 12 جولائی کو ہوئی جبکہ 13 جولائی کو شبھ آشیرواد کی تقریب کا اہتمام کیا گیا۔ اور آخر کار 14 جولائی کو شادی کا عالیشان استقبالیہ منعقد کیا گیا۔
اننت اور رادھیکا ان تمام تر تقریبات کے بعد اب جبکہ اپنی نئی زندگی کی شروعات کرچکے ہیں ایسے میں اس جوڑے کو دلی پیغامات موصول ہورہے۔
اداکار سلمان خان نے فوٹو اینڈ ویڈیو شیئرنگ ایپ انسٹاگرام پر اننت اور انکی دلہنیا کی مونوکروم تصور جاری کرتے ہوئے دعائیہ پیغام لکھ ڈالا۔
اداکار نے جذباتی پوسٹ میں اننت رادھیکا کو مسٹر اینڈ مسز کہتے ہوئے لکھا کہ،’اننت اور رادھیکا، مسٹر اور مسز اننت امبانی، میں نے آپ دونوں کی ایک دوسرے کے خاندانوں کے لیے محبت دیکھی ہے۔ ساری کائنات آپ کے ساتھ شامل ہوگئی۔’
اداکار نے شادی کے بعد اس جوڑے کے بچوں کیلئے دعا کرتے ہوئے مزید لکھا کہ،’ آپ کے والدین بننے پر ڈانس کرنے کا انتظار نہیں کر سکتا۔’
یاد رہے کہ 12 جولائی کو ہونے والی شادی کی پروقار تقریب میں سلمان خان نے باراتی بن کر زبردست رقص کیا۔
شادی کی بارات کے دوران، سلمان خان کو شاہ رخ خان کے ساتھ 1995 کی بلاک بسٹر کرن ارجن کے گانے بھنگڑا پالے پر رقص کرتے دیکھا گیا۔
