باسل: کم سے کم وقت میں زیادہ جگہوں کی سیر و سیاحت کرلینا ہر سیاح کی اولین خواہش ہوتی ہے لیکن محض چند سیکنڈز میں 3 ملکوں کا سفر کرلینا! کیا یہ ممکن ہوسکتا ہے؟
سوئٹزرلینڈ شہر باسل (Basel) سوئس، فرانسیسی اور جرمن سرحدوں کے درمیان واقع ہے جو زائرین کو دس سیکنڈز میں تین ممالک کا دورہ کرنے کا موقع فراہم کرتا ہے۔
یہ یورپ کے بہترین عجائبات میں سے ایک ہے کیونکہ اس کے مضافات فرانس اور جرمنی دونوں تک پھیلے ہوئے ہیں۔
ایک ٹک ٹاکر نے حال ہی میں ایک سفر کے دوران دلچسپ پوسٹ کی جس میں دکھایا گیا ہے کہ سوئٹزرلینڈ، فرانس اور جرمنی کہاں آکر مل جاتے ہیں۔
باسل ایک منفرد مقام کی حیثیت رکھتا ہے جو تینوں ممالک میں تقریبا بیک وقت داخل ہونے کا غیر معمولی تجربہ پیش کرتا ہے۔ جغرافیائی انفرادیت کے علاوہ باسل کو سوئٹزرلینڈ میں ثقافت کے اہم مقامات میں سے ایک کے طور پر بھی جانا جاتا ہے۔
