ایچ بی ایل پاکستان سپر لیگ (پی ایس ایل) 10 میں اسلام آباد یونائیٹڈ نے پشاور زلمی کو جیت کے لئے 144 رنز کا ہدف دے دیا۔
قذافی اسٹیڈیم میں جاری ایونٹ کے 22 ویں میچ میں اسلام آباد یونائیٹڈ نے ٹاس جیت کر پہلے بیٹنگ کرتے ہوئے مقررہ 20 اوورز میں 9 وکٹوں کے نقصان پر 143 رنز اسکور کیے۔
یونائیٹڈ کی جانب سے صاحبزادہ فرحان 36 رنز بنا کر نمایاں رہے۔ بین ڈوارشوئس 33 رنز بنا کر ناٹ آؤٹ پویلین لوٹے۔
کائل مائرز 18، کپتان شاداب خان 15، کولن منرو 11، عماد وسیم 10، اعظم خان 8، سلمان آغا 4، نسیم شاہ 1 اور سعد مسعود 1 رن بنا کر آؤٹ ہوئے۔
زلمی کی جانب سے محمد علی نے 3 جبکہ لیوک ووڈ، حسین طلعت، الزاری جوزف، احمد دانیال اور صائم ایوب نے 1، 1 وکٹ حاصل کی۔
اسکواڈ:
اسلام آباد یونائیٹڈ: کائل مائرز، صاحبزادہ فرحٓن، کولن منرو، سلمان علی آغا، شاداب خان (کپتان)، اعظم خان (وکٹ کیپر)، عماد وسیم، سعد مسعود، بین ڈوارشوئس، نسیم شاہ، رائلے میریڈتھ
پشاور زلمی: مچل اوون، صائم ایوب، بابر اعظم (کپتان)، محمد حارث (وکٹ کیپر)، حسین طلعت، میک برائنٹ، معاذ صداقت، لیوک ووڈ، الزاری جوزف، احمد دانیال، محمد علی
