- چنئی: (ویب ڈیسک) ٹی 20 ورلڈ کپ کے 31 ویں میچ میں کینیڈا نے نیوزی لینڈ کو جیت کے لئے 174 رنز کا ہدف دے دیا۔
چنئی میں کھیلے جارہے میچ میں کینیڈا نے نیوزی لینڈ کے خلاف ٹاس جیت کر پہلے بیٹنگ کا فیصلہ کیا۔
کینیڈا نے پہلے کھیلتے ہوئے مقررہ اوورز میں 4 وکٹوں کے نقصان پر 173 رنز بنائے۔
کینیڈین اوپنرز یووراج سامرہ اور کپتان دلپریت باجوہ نے شاندار آغاز فراہم کرتے ہوئے 116 رنز کی شراکت قائم کی، دلپریت باجوہ 36 رنز بناکر آؤٹ ہوئے، یووراج سامرہ نے 65 گیندوں پر 110 رنز کی شاندار اننگز کھیلی۔
نیوزی لینڈ کی جانب سے میٹ ہینری، جیکب ڈفی، کائل جیمیسن اور جمی نیشم نے ایک ایک وکٹ حاصل کی۔
ٹاس کے بعد گفتگو کرتے ہوئے کینیڈین کپتان دلپریت باجوہ کا کہنا تھا کہ وکٹ اچھی لگ رہی ہے، بعد میں گیند سپن بھی ہوگی، جس کا فائدہ اٹھانے کی کوشش کریں گے۔
دوسری جانب کیوی کپتان مچل سینٹنر کی گزشتہ رات سے طبیعت ناساز ہے، ان کی جگہ ڈیرل مچل ٹیم کی قیادت کر رہے ہیں۔
واضح رہے کہ گروپ ڈی سے جنوبی افریقہ پہلے ہی سپر ایٹ میں رسائی حاصل کر چکا ہے جبکہ کینیڈین ٹیم اس دوڑ سے باہر ہو چکی ہے۔
نیوزی لینڈ کو سپر ایٹ میں رسائی کیلئے آج کے میچ میں فتح درکار ہے بصورت دیگر گروپ ڈی سے سپر ایٹ میں جانے والی ٹیم کا فیصلہ افغانستان بمقابلہ کینیڈا اور جنوبی افریقہ بمقابلہ یو اے ای کے میچز پر منحصر ہوگا۔
