خیبرپختونخوا سرکاری گاڑیوں کے فیول کوٹے میں 25 فیصد کمی۔
محکمہ انتظامیہ خیبرپختونخوا نے تمام محکموں کو فیول سے متعلق خط ارسال کردیا جس میں آگاہ کیا گیا ہےکہ وزراء، مشیر اور معاونین خصوصی کا ماہانہ فیول کوٹہ 390 لیٹرز سےکم کرکے 292 لیٹرز مقرر کیا گیا ہے جب کہ چیف سیکرٹری، اے سی ایس اور سیکرٹری خزانہ کا کوٹہ 146 لیٹرز سےکم کرکے 98 لیٹرز کردیا گیا ہے۔
خط کے مطابق انتظامی سیکرٹریز، کمشنرز اور ڈی آئی جیز کیلئے فیول 114 لیٹرز سےکم کرکے 85 لیٹرز کردیا گیا ہے جب کہ گریڈ 20 اور اس سے اوپر کے افسران کیلئے فیول کوٹہ98 لیٹر سےکم کرکے 74 لیٹرز کیا گیا ہے۔
اس کے علاوہ ڈپٹی کمشنرز، اے ڈی سیز اور ایس پیز کا ماہانہ فیول 104 لیٹرز سےکم کرکے 78 لیٹرز اور ڈپٹی سیکرٹری سے اوپرسیکرٹریٹ افسران کیلئے فیول 85 لیٹرز سےکم کرکے64 لیٹر کردیا گیا ہے۔
خط کے مطابق ڈویژنل ڈائریکٹرز اور دیگرڈویژنل افسران کا فیول 72 لیٹرز سےکم کرکے54 لیٹرز جب کہ خیبرپختونخوا ہاؤس اسلام آباد کیلئے فیول کوٹہ 715 لیٹرز سےکم کرکے535 لیٹرز مقرر کیا گیا ہے۔
