گوجر خان ( بیورو رپورٹ)گوجرخان:چنگا بنگیال کے علاقے میں چوری کی واردات دوران برطانوی نژاد پاکستانی خاتون کے طلائی زیوارات، ملکی، غیر ملکی کرنسی چوری کرلی گئی۔ پولیس حکام کے مطابق چنگا بنگیال کے علاقے میں ریٹائرڈ سکول ٹیچر راجہ ظفر اقبال کے گھر چوری کی واردات کا واقعہ پیش آیا ہے۔ نامعلوم ملزمان نے کمرے میں موجود کھڑکی کی جالی کاٹء اور کمرے کی تلاشی لیتے ہوئے دو لاکھ روپے مالیت کا طلائی لاکٹ، انگوٹھیاں، 160 برطانوی پانڈز، 1600 روپے چوری کیے۔درخواست گزار راجہ ظفر اقبال کے مطابق بیٹی برطانیہ سے چند ہفتے قبل آئی اور 21 اکتوبر کو واپس جانا تھا۔ پولیس حکام کے مطابق واقعہ کا مقدمہ درج کر لیا گیا ہے۔ مزید تفتیش جاری ہے۔
