جم خانہ کی لیز ،کرایہ داری کے معاملے پر دو روزہ اجلاس آج شروع ہوگا

لاہور( این این آئی)پنجاب اسمبلی کی سپیشل کمیٹی کالاہور جم خانہ کی لیز اور کرایہ داری کے معاملے پر دو روزہ اجلاس آج اور کل ( منگل اوربدھ ) منعقد ہوگا۔ اجلاس کی صدارت کنوینر سمیع اللہ خان کریں گے۔ اجلاس میں سینئر ممبر بورڈ آف ریو نیو ، ڈپٹی کمشنر لاہور سمتی دیگر افسران کو ضروری ریکارڈ کے ساتھ طلب کیا گیا ہے ۔ اجلاس میں جم خانہ کلب کے ایگزیکٹو ممبران کو بھی مدعو کیا گیا ہے ۔ سپیشل کمیٹی کا اجلاس تقریباًدو سال کے وقفے کے بعد بلایا گیا ہے ۔