اسلام آباد(این این آئی) وفاقی آئینی عدالت نے خاتون ٹیچر کے خلاف بے نظیر بھٹو شہید یونیورسٹی کی اپیل خارج کر دی۔قائم مقام چیف جسٹس وفاقی آئینی عدالت جسٹس حسن اظہر رضوی نے ریمارکس دیئے کہ خاتون ٹیچر نے پی ایچ ڈی کے بعد 3 سال یونیورسٹی میں کام کیا، تین سال کی میعاد پورے کرنے کے بعد یونیورسٹی خاتون ٹیچر کو تنگ کر رہی ہے۔وکیل یونیورسٹی نے کہا کہ خاتون ٹیچر کو حکومت نے 56 لاکھ کی سکالر شپ دی، خاتون ٹیچر نے تین سال تک یونیورسٹی میں خدمات سر انجام دینا تھی، خاتون ٹیچر تین سال میں 196 دن رخصت پر رہی۔قائم مقام چیف جسٹس آئینی عدالت نے کہا کہ یونیورسٹی نے رخصت کی درخواستوں کو منظور کیا، خاتون ٹیچر نے استعفیٰ کیوں دیا، اسسٹنٹ پروفیسر کی سیٹ پر آپ نے خاتون کو سلیکٹ نہیں کیا، اسسٹنٹ پروفیسر کی سیٹ پر باہر سے بندہ لے آئے، سرکار کا پیسہ خرچ کر کے پی ایچ ڈی کرائی اسسٹنٹ پروفیسر آپ باہر سے لے آئے۔
