ایل ڈی اے کی خواتین افسران نا مناسب برتائو گھر سے میٹنگ کے نام پر بلا کر ہراساں کرنے اور دھمکیوں کے سنگین الزامات

لاہور(افضل سیال سے )ایل ڈی اے کی خواتین افسران سے نامناسب برتائو،رات کے وقت گھر سے
میٹنگ کے نام پر بلا کر ہراساں کرنے ، گالم گلوچ اور دھمکیوں کے سنگین الزامات، طاقتور ایڈیشنل ڈائریکٹر جنرل ہیڈکوارٹرز اسامہ مجید چیمہ کے خلاف تاحال کاروائی نہ ہوسکی ۔ پنجاب اسمبلی میں تحریک التوا کار ، اور دیگر افسران کی جانب سے اعلیٰ حکام کو دی جانے والی درخواستوں پر بھی کارروائی آگے نہ بڑھ سکی۔ خواتین کو ہراساں کرنے اور اختیارات کا بے دریغ ناجائز استعمال کی شکایات کے باوجود اسامہ مجید چیمہ کے خلاف کاروائی نہ ہونے کی وجہ سے ایل ڈی اے کی خواتین افسران عدم تحفظ کا شکار ہو گئیں ۔تفصیل کے مطابق ایل ڈی اے کے ایڈیشنل ڈی جی اسامہ مجید چیمہ کی خواتین افسران سے نامناسب برتائو، رات کے وقت گھر سے میٹنگ کے نام پر بلا کر ہراساں کرنے اور اختیارات کا ناجائز استعمال ، گالم گلوچ اور دھمکیوں کے سنگین الزامات سامنے آنے کے باوجود طاقتور ایڈیشنل ڈائریکٹر جنرل ہیڈکوارٹرز اسامہ مجید چیمہ کے خلاف تاحال کاروائی نہ ہوسکی ، اسامہ مجید کے رویے ، اختیارات کے ناجائز استعمال کے خلاف ایل ڈی اے کی خواتین اور دیگر افسران کی جانب سے باقاعدہ درخواستیں دی گئی ہیں لیکن تاحال اسامہ مجید کے خلاف کاروائی نہیں کی گئی ہے ، خبریں کو ملنے والی مصدقہ معلومات کے مطابق اسامہ مجید کے خلاف شکایات کے باوجود کارروائی نہ ہونے کی وجہ سے ایل ڈی اے کی خواتین عدم تحفظ کاشکار ہو گئیں ، اسامہ مجید چیمہ کے خلاف خواتین افسران کو ہراساں کرنے اختیارات کے ناجائز استعمال کے خلاف پنجاب اسمبلی میں بھی تحریک التوا کار جمع کروائی گئی ہے تحریک التوا کار میں اسامہ مجید کی جانب سے خواتین افسران کو ہراساں کرنے ، اختیارات کے ناجائز استعمال کی نشاندہی کی گئی ہے ،ذرائع کے مطابق اسامہ مجید کے خلاف کاروائی نہ ہونا ایل ڈی اے کے احتسابی عمل پر سوالیہ نشان بن چکا ہے اور اس تاثر کو تقویت ملی ہے کہ یہاں طاقتور کے خلاف کاروائی نہیں کی جاتی۔