روم،بارسلونا،برسلز ، پیرس،ترانا(نیوز ایجنسیاں )یورپ کے کئی ممالک میں مہنگائی، بے روزگاری اور حکومتی پالیسیوں کے خلاف مظاہرے کیے گئے۔غیر ملکی میڈیا کے مطابق اٹلی کے دارالحکومت روم میں مظاہرین اور پولیس کی درمیان جھڑپیں ہوئی جس دوران پولیس نے 11 افراد کو گرفتار کرلیا جبکہ 96 افراد زیر حراست ہیں، اس کے علاوہ دیگر کئی شہروں میں بھی احتجاج ریکارڈ کروایا گیا۔ادھر اسپین کے دارالحکومت بارسلونا میں بھی مظاہرین اور پولیس کے درمیان جھڑپیں ہوئیں، جس کے نتیجے میں کئی افراد زخمی بھی ہوئے۔ بیلجیئم کے دارالحکومت برسلز میں حکومت مخالف مظاہرین کے ساتھ جھڑپ میں آنسو گیس اور مرچوں کے اسپرے کا ستعمال کیا گیا جبکہ البانیہ میں بھی احتجاجی مظاہرے ہوئے۔فرانس میں بھی بڑھتی مہنگائی کے خلاف ملک گیر احتجاج ہوا اور پیرس میں ہونے والا مارچ بڑی حد تک پرامن رہا۔ اس حوالے سے فرانسیسی وزارتِ داخلہ کے مطابق مارچ میں 1 لاکھ 10 ہزار افراد نے شرکت کی، تاہم مارچ کے اختتام پر مظاہرین اور پولیس میں بعض جھڑ پیں بھی ہوئیں، شیلنگ، جلائو گھیرئوا اور کچرے کے ڈبوں کو آگ لگا دی، جس پر 1000 افراد گرفتار کیے گئے جبکہ فرانس میں 70 ہزار پولیس اہلکار تعینات کیے گئے تھے۔علاوہ ازیں البانیہ میں بھی احتجاجی مظاہرے ہوئے۔دریں اثناء فرانس میں حکومت مخالف مظاہروں کے دوران ایک دلچسپ منظر دیکھنے میں آیا جس کی ویڈیوز اور تصاویر سوشل میڈیا پر وائرل ہو گئی ہیں۔سوشل میڈیا پر وائرل ویڈیوز میں بلیک پینتھر اور کیپٹن امریکا کے لباس میں ملبوس 2 افراد کو فرانس میں ہونے والے ایک احتجاج میں شریک ہوتے دیکھا جا سکتا ہے۔بلیک پینتھر اور کیپٹن امریکا کے لباس میں ملبوس 2 افراد نے احتجاج میں صرف شرکت ہی نہیں کی بلکہ ہمت کے ساتھ واٹر کینن کا سامنا بھی کیا اور دیگر مظاہرین کے ساتھ مل کر نعرے بازی بھی کی۔احتجاج کے دوران دیگر مظاہرین ان 2 افراد کی ویڈیوز اور تصاویر بھی بناتے رہے۔فرانس کے مختلف شہروں میں ہونے والے مظاہروں کے دوران اسپائیڈر مین، سپرمین اور ڈیڈپول جیسے کرداروں کے لباس پہنے افراد بھی دکھائی دیے ہیں۔اس سے قبل نپولین بوناپارٹ اور بیٹ مین کا روپ دھارے افراد کی ویڈیوز بھی سوشل میڈیا پر وائرل ہوئی تھیں۔مظاہرین میں سے کئی افراد کو ہیلمٹ، ماسک اور حفاظتی چشمے پہنے بھی دیکھا گیا، تاکہ پولیس کی جانب سے ہونے والے لاٹھی چارج اور آنسو گیس کے ممکنہ اثرات سے بچا جاسکے۔
مظاہرے
