لاہور(نیوزایجنسیاں) قومی لیفٹ آرم فاسٹ بولر سہیل تنویر کو کیریبین پریمیئر لیگ کی فرنچائز گیانا ایمیزون واریئرز نے مسلسل تیسری مرتبہ اپنے اسکواڈ میں منتخب کر لیا۔فرنچائز نے ان کی خدمات ایک لاکھ 60 ہزار ڈالرز میں حاصل کی ہیں۔ واضح رہے کہ سہیل تنویر نے سی پی ایل کے گزشتہ ایڈیشن میں سب سے زیادہ 17 وکٹیں حاصل کی تھیں جبکہ 3 رنز کے عوض 5 شکار کرتے ہوئے اننگز کی بہترین بولنگ کا اعزاز بھی اپنے نام کیا تھا جبکہ سی پی ایل 2016 میں 20 وکٹیں حاصل کرتے ہوئے دوسرے کامیاب ترین بولر رہے تھے۔
