لاہور(ویب ڈیسک)پاکستان تحریک انصاف آج مینار پاکستان پر عوامی قوت کا مظاہرہ کرےگی،جلسے کیلئے انتظامات کو حتمی شکل دے دی گئی اور مرکزی قیادت کے خطاب کیلئے شاندار سٹیج تیار کر لیا گیا،جلسہ گاہ کو پارٹی پرچموں اور قیادت کے بڑے بڑے پورٹریٹ سے سجا دیا گیا،جلسے میں شرکت کیلئے ملک بھر سے قافلوں کی آمد کا سلسلہ جاری ہے،جبکہ اس موقع پر سکیورٹی کے سخت ترین انتظامات کئے گئے ہیں۔تفصیلات کے مطابق تحریک انصاف آج مینارپاکستان پرمیدان سجائے،پی ٹی آئی کی جانب سے آج ماضی کے تمام ریکارڈ توڑنے کے دعویٰ کئے جا رہے ہیں،انتظامیہ کے مطابق پنڈال میں50ہزارکرسیاں لگادی گئیںجبکہ مزید لگائی جا رہی ہے ، چیئرمین پی ٹی آئی جلسے میں 10 نکات پیش کریں گے،تحریک انصاف کے جلسے پر 2 ہزار پولیس اہلکارسکیورٹی کی فرائض انجام دینگے ،اس کے علاوہ 500 ٹریفک وارڈنزبھی تعینات ہیں جبکہ بم ڈسپوزل اسکواڈ بھی موقع پرموجودہے،جلسے کے شرکا کی 3 مقامات پر چیکنگ ہو گی ،جلسہ گاہ میں قائدین کیلئے ایک وی آئی پی گیٹ بنایا گیا جبکہ کارکنوں کیلئے 2 انٹری پوائنٹ مقررکئے ہیں۔
