ریاض (صباح نیوز)یمن کے حوثی باغیوں کے میزائل حملے میں سعودی عرب کے تین شہری جاں بحق ہوگئے جبکہ عرب اتحاد نے یمن میں چوالیس باغیوں کو مارنے اور فوجی ساز وسامان تباہ کرنے کا دعویٰ کیاہے۔عرب ٹی وی کے مطابق عرب اتحادی فوج کے ترجمان کرنل ترکی المالکی نے ریاض میں میڈیا کو بتایاکہ یمن کے حوثی باغیوں نے ایرانی ساختہ بیلسٹک میزائل سعودی عرب کے سرحدی صوبے جزاں پر داغا،میزائل کے باعث دو شہری موقع پر ہی جاں بحق ہوئے۔ ترجمان نے کہا کہ عرب اتحادی افواج نے یمن کے صوبے سعدہ میں آپریشن کیا اور چوبیس گھنٹے میں چوالیس باغیوں کو ماردیا جبکہ ان کے ٹینک اور دیگر فوجی ساز و سامان تباہ کردیا۔
