لندن (این این آئی)پاکستان مسلم لیگ (ن)کے قائد سابق وزیر اعظم محمد نوازشریف سے سینیٹر پرویز رشید نے ملاقات کی ۔ بدھ کو لندن میں پرویز رشید نے سابق وزیر اعظم سے ملاقات کی جس میں انہوںنے ان کی اہلیہ بیگم کلثوم نواز کی طبیعت بارے میں دریافت کیا ۔ ذرائع کے مطابق ملاقات کے دور ان نیب کی جانب سے پاکستان مسلم لیگ (ن)کے خلاف کارروائیوں اور راولپنڈ ی کے حلقہ سے سابق وزیر داخلہ چوہدری نثار علی خان کے خلاف امیدوار قمر الاسلام کی گرفتاری سمیت مختلف امورپر تبادلہ خیال کیا گیا ۔
