لاہور (ا ین این آئی)خلیفہ سوم سیّدنا حضرت عثمان غنی ؓ کا یومِ شہادت آج (جمعرات) بمطابق 18 ذو الحج کوملک بھر میں انتہائی عقیدت و احترام سے منایا جائے گا۔ اس سلسلہ مےں مختلف دینی و مذہبی جماعتیں ملک بھر میں جلسے،سیمینار اور دیگر تقریبات منعقد کرے گی جس میں مقررین سیّدنا حضرت عثمان غنی ؓ کے فضائل و مناقب، سیرت و کردار اور آپ کی بے مثال فتوحات پر روشنی ڈالتے ہوئے اُن کو زبردست خراجِ عقیدت پیش کریں گے جبکہ قومی اخبارات خصوصی اشاعت اور ریڈیو، ٹی وی ودیگر ذرائع وابلاغ حضرت عثمان غنی ؓ یومِ شہادت کے سلسلہ میں خصوصی پروگرام و نشریات پیش کرینگے۔
