سری نگر(آئی این پی ) مقبوضہ کشمیر میں قابض بھارتی فوج نے ریاستی دہشت گردی جاری رکھتے ہوئے ضلع پلوامہ میں گھر گھر تلاشی کے دوران 6 کشمیری نوجوانوں کو شہید کردیا،کٹھ پتلی انتظامیہ نے احتجاج اور مظاہرہ روکنے کے لیے وادی میں انٹرنیٹ اور موبائل فون سروسز معطل کردی، علاقے میں غیراعلانیہ کرفیو نافذ کردیا گیا ہے۔ ہفتہ کو کشمیر میڈیا سروس کے مطابق قابض بھارتی فورسز نے مقبوضہ کشمیر میں ظلم و بربریت جاری رکھتے ہوئے ترال میں 6 کشمیری نوجوانوں کو فائرنگ کرکے شہید کردیا۔جوانوں کو بھارتی فوج، پیرا ملٹری سینٹرل ریزرو پولیس فورس اور اسپیشل آپریشن گروپ نے پلوامہ کے علاقے آرام پورہ میں محاصرے اور سرچ آپریشن کے دوران شہید کیا۔کشمیری میڈیا کے مطابق کٹھ پتلی انتظامیہ نے کشمیری نوجوانوں کی شہادت کے بعد احتجاج اور مظاہرہ روکنے کے لیے وادی میں انٹرنیٹ اور موبائل فون سروسز معطل کردی اور ظالم بھارتی فوج کی جانب سےعلاقے میں غیراعلانیہ کرفیو نافذ کردیا گیا ہے۔حالیہ شہادتیں ایک ایسے وقت میں ہوئی ہیں جب دو روز قبل ہی مقبوضہ کشمیر میں گورنر راج کی مدت مکمل ہونے پر قابض بھارتی حکومت نے وادی میں صدارتی راج نافذ کردیا ہے۔صدارتی راج کے تحت ریاست کے تمام آئینی، انتظامی اختیارات پارلیمنٹ کو منتقل ہوجائیں گے۔
Indian soldiers guard near the site of gun battle at Arwani 55 kilometres south of Srinagar, Indian-controlled Kashmir, Thursday, Dec. 8, 2016. Dozens in Indian-controlled Kashmir were injured on Thursday as anti-India clashes erupted in the disputed region following a gunbattle between rebels and government forces, officials and witnesses said. (AP Photo/Mukhtar Khan)
