لاہور(مانیٹرنگ ڈیسک) سابق فرسٹ کلاس کرکٹر طاہر شاہ نے کہا ہے کہ اگر پہلے ہی جنوبی افریقہ کےخلاف آخری میچ جیسی کارکردگی دکھائی جاتی تو پاکستان پہلے دو میچ نہ ہارتا بہرحال جنوبی افریقہ کے خلاف پاکستان کلین سویپ سے بچ گیا۔ چینل فائیو کے پروگرام گگلی میں گفتگو کرتے ہوئے انہوں نے کہا کہ میں سمجھتا ہوں ورلڈ کپ کی تیاری کے لئے پاکستانی ٹیم میں تبدیلی کی ضرورت ہے کیونکہ ورلڈ کپ بہت بڑا ایونٹ ہے۔ سپورٹس صحافی راجہ اسد علی نے کہا ہے کہ ٹیم کوپی ایس ایل کے بعد آسٹریلیا کیخلاف اہم سیریزکی تیاری کرناہوگی۔ جو کارکردگی پاکستانی ٹیم نے آخری ٹی ٹوئنٹی میں دکھائی وہ پہلے کیوں نہ دکھا سکی۔ جنوبی افریقہ کی ٹیم میں کافی ڈسپلن ہے۔شاداب کی کارکردگی کی وجہ پاکستان جیت گیا لیکن یہ کوئی اتنی بڑی وکٹری نہیں کہ شادیانے بجائے جائیں البتہ پاکستان کم سے کم ایک ٹی ٹونئٹی تو جیتا۔
