لاہور (لیڈی رپورٹر) ملکہ ترنم نورجہاںکی جائیداد کا تنازع نواسے اور پوتے آمنے سامنے مگر سب کا سامنے آنے سے انکار ملکہ ترنم نورجہاں مرحومہ کے نواسے اور پوتے جائیداد کے حصول کے لئے آمنے سامنے ہوگئے ہیں۔ اس حوالے سے جب ہم نے ان کے پوتے فخرامام سے رابطہ کرنے کی کوشش کی تو انہوںنے گریز کیا جبکہ ان کے نواسے احمد علی بٹ نے بھی کوئی مو¿قف دینے سے گریز کیا۔ ذرائع کے مطابق اس جائیداد کی قیمت کروڑوں میں ہے۔ نورجہاں کے پوتے فخرامام اور مظہر امام نے احمد علی بٹ اور مصطفی بٹ کو آفر کی ہے کہ ہم آپ کو دو کروڑ روپیہ دیتے ہیں آپ کوئی اور کاروبار کرلیں۔ جبکہ ذرائع کا کہنا ہے کہ احمد علی بٹ نے اپنے ماموں کے بیٹوں کو یہ آفر کی ہے کہ 4 کروڑ لیں اور یہ جگہ خالی کردیں۔ یاد رہے کہ شاہ نور سٹوڈیو ایک بڑی جگہ پر مشتمل ہے اور یہ اس کا چوتھا حصہ ہے جسے شوکت حسین رضوی نے اپنی بیٹی ظل ہما کو اپنی جائیداد سے عاق کردیا تھا مگر ذرائع کے مطابق بھائی نے وہ حصہ اپنی بہن کو دیا اور ظل ہما اپنے بھائی اور ان کے بیٹوں سے بہت پیار کرتی تھیں مگر اب ان کے بچے اس جائیداد میں سے حصہ مانگ رہے ہیں جس میں سے ظل ہما کے والد نے ان کو اپنی زندگی میں ہی عاق کردیا تھا۔ اگر بات کی جائے اس جگہ کی تو وہاں پر مکمل قبضہ ہے۔ چینل ۵ اور ”خبریں“ کی ٹیم نے جب اس جگہ پر جاکر جائزہ لیا تو چاروں طرف سے لاک تھا جبکہ اس ایریا میں کوئی اس موضوع پر بات بھی نہیں کرتا اوراس وقت وہاں کیمرے نصب ہیں اور قبضہ گروپ موجود ہے۔
