کراچی: (ویب ڈیسک) قومی ٹیسٹ کرکٹر فواد عالم نے نیشنل سٹیڈیم کراچی کو ٹیم پاکستان کا گڈلک گراؤنڈ قرار دیا ہے۔
ایک بیان میں فواد عالم نے کہا ہے کہ پاکستان ٹیم نیشنل سٹیڈیم پر صرف 2 ٹیسٹ میچز ہی اب تک ہاری ہے۔ انہوں نے کہا کہ قومی ٹیم کے کئی نامور کھلاڑی اس گراؤنڈ میں کھیل چکے ہیں۔
فواد عالم نے مزید کہا کہ اپنے شہر میں ملک کی نمائندگی کرنا ایک اعزاز کی بات ہے۔ اُن کا کہنا تھا کہ ہوم گراؤنڈ ہے، اسی لیے مجھے پچ اور موسم کی کنڈیشن کا اندازہ ہے۔ قومی ٹیسٹ کرکٹر نے یہ بھی کہا کہ جیسی بھی وکٹ ہوگی، میں بہترین کھیل پیش کرنے کی کوشش کروں گا۔
