صدر علوی کا دہشتگرد حملوں میں شہید اہلکاروں کے ورثاء کو فون، اظہار تعزیت کیا

اسلام آباد: (ویب ڈیسک) صدر مملکت ڈاکٹر عارف علوی نے دہشتگرد حملوں میں شہید ہونے والے اہلکاروں کے ورثاء کو ٹیلی فون کر کے اظہار تعزیت کیا۔
صدر مملکت نے 14 دسمبر کو میران شاہ میں شہید ہونے والے حوالدار محمد عامر، 4 دسمبر کو شمالی وزیرستان میں شہید ہونے والے سپاہی ناصر خان، 26 نومبر کو لکی مروت میں شہید ہونے والے نائب صوبیدار قاسم خان، لکی مروت میں شہید حوالدار محمد چنگیز چغتائی، 30 نومبر کو شہید ہونے والے حوالدار پروش خان کے ورثاء کو فون کیا۔
صدر مملکت ڈاکٹر عارف علوی نے اپنی گفتگو کے دوران شہداء کے ورثاء سے اظہار تعزیت کیا اور ساتھ ہی شہداء کو ملک کیلئے خدمات پر خراجِ تحسین اور وطن کی خاطر قربانی پر سلام پیش کیا، صدر مملکت نے شہداء کے اہل خانہ سے اظہار ہمدردی اور صبر جمیل کی دعا کی۔