ویزا قوانین میں نرمی، سعودی عرب میں پیشہ ور غیر ملکیوں کی تعداد میں اضافہ

ریاض: (ویب ڈیسک) سعودی عرب میں ویزا قوانین میں نرمی اور غیر ملکی کاروباریوں کو راغب کرنے کے اقدامات کے نتیجے میں پیشہ ورتارکین وطن کی تعداد میں مسلسل اضافہ ہورہا ہے۔
غیرملکی میڈیا کی رپورٹ کے مطابق ڈیلائٹ مڈل ایسٹ کے چیف ایگزیکٹو آفیسر معتصم دجانی نے اپنے انٹرویو میں بتایا کہ ان کی اکاؤنٹنگ فرم سعودی عرب میں اپنی 6,000 مضبوط علاقائی افرادی قوت کی اکثریت کی میزبانی کرتی ہے، اوراس تعداد میں سال بہ سال نمایاں طور پر اضافہ ہوگا۔
راشد دجانی نے کہا کہ سعودی عرب میں تبدیلی کے بڑے منصوبے اوربے مثال اقتصادی ترقی اسے تارکین وطن کے لیے ایک پُرکشش مقام بناتی ہے،
اگرچہ غیرملکی کارکنوں نے طویل عرصے سے سعودی عرب کی معیشت میں اہم کردار ادا کیا ہے ، لیکن سماجی اصلاحات کے ساتھ ساتھ روزگار کے بڑھتے ہوئے مواقع اسے زیادہ پرکشش منزل بنا رہے ہیں۔
جنرل اتھارٹی برائے شماریات کی ایک رپورٹ کے مطابق سعودی عرب کی سوشل انشورنس اسکیم پر دست خط کرنے والے غیر سعودیوں کی تعداد 2022 کی دوسری سہ ماہی میں 198,803 سے بڑھ کر 2022 کی تیسری سہ ماہی میں 1,183,577 ہو گئی تھی۔