لندن (مانیٹرنگ ڈیسک) پاک افغان کشیدگی کم کرانے کیلئے برطانیہ کی جانب سے ثالثی کی کوشش کی گئی ہے۔ لندن میں تینوں ملکوں کے نمائندوں کا اجلاس ہوا۔ اجلاس میں سرتاج عزیز، برطانوی وزیر خارجہ اور افغان سکیورٹی مشیر شریک ہوئے۔ یاد رہے کہ گزشتہ دنوں پاکستان کے مختلف شہروں میں ہونے والے دہشتگرد حملوں میں ملوث مجرموں کے ڈانڈے افغانستان سے ملنے کے ثبوت ملنے کے بعد پاکستان کی جانب سے پاک افغان سرحد کو غیرمعینہ مدت کیلئے بند کر دیا گیا ہے جس سے دونوں ملکوں کے مابین تجارت اور آمدورفت متاثر ہوئی ہے۔
