ممبئی: (خبریں ڈیجیٹل) بالی ووڈ کنگ شاہ رخ خان کی اہلیہ گوری خان نے سوشل میڈیا پر اپنی فیملی فوٹو پوسٹ کردی ہے۔
گوری خان نے فوٹو اینڈ ویڈیو شیئرنگ ایپ انسٹاگرام پر اپنی نئی تصویر پوسٹ کی ہے جس میں شاہ رخ خان اور گوری کے ہمراہ اُن کے تینوں بچے آریان خان، سہانا خان اور ابرام خان بھی موجود ہیں۔
تصویر پوسٹ کرتے ہوئے گوری خان نے کہا کہ ‘ڈیزائن ایک پہیلی کی طرح ہے، ایک مکمل تصویر کے لیے تمام ٹکڑوں کا ایک ساتھ ہونا لازمی ہوتا ہے’۔
View this post on Instagram
شاہ رخ خان کی فیملی فوٹو کو اُن کے مداحوں کی جانب سے بےحد پسند کیا گیا، مداحوں نے اس تصویر کو ‘پٹھان فیملی’ قرار دیا۔
ایک مداح نے کہا کہ ‘میں گزشتہ ایک ہفتے سے شاہ رخ خان کی فیملی فوٹو کا انتظار کر رہا تھا’۔
دوسری جانب ان دنوں شاہ رخ خان کی میگا تھرلر ایکشن فلم ‘جوان’ باکس آفس پر چھائی ہوئی ہے، فلم ’جوان‘ نے انڈین باکس آفس میں 600 کروڑ سے زائد کا بزنس کرلیا ہے۔
فلم کی ریلیز کو ابھی صرف 29 دن گزرے ہیں اور اس کا مجموعی بزنس پوری دنیا میں 1085 کروڑ تک پہنچ گیا ہے۔
دوسری طرف شاہ رخ خان ایک برس میں ہزار کروڑ کمانے والی 2 فلمیں کرنے والے بالی ووڈ کے واحد اداکار بن گئے ہیں۔
’ پٹھان‘ اور ’جوان‘ کی غیر معمولی کامیابی نے میگا اسٹار شاہ رخ خان کو تاریخ کا واحد اداکار بنا دیا جن کی 2 فلموں نے ایک برس کے دوران ایک ہزار کروڑ کا بزنس کیا ہے۔
یاد رہے کہ شاہ رُخ خان اور گوری خان 3 دہائی قبل 1991 میں رشتہ ازدواج میں منسلک ہوئے تھے، گوری خان ایک انٹیرئیر ڈیزائنر اور بزنس ویمن ہیں، اس خوبصورت جوڑی کے 3 بچے ہیں۔
