لاہور: ریحان احمد کا کہنا ہے کہ انگلش ٹیم کے ساتھ رہتے ہوئے مجھے نماز کی ادائیگی میں کوئی مشکل پیش نہیں آتی۔
ایک انٹرویو میں ریحان احمد نے کہا کہ ابوظبی میں ٹریننگ کے دوران بھی میں نے شعیب بشیر کے ہمراہ نماز جمعہ ادا کرنے کی خواہش ظاہر کی تو کسی نے کوئی اعتراض نہیں کیا۔
بین اسٹوکس نے مجھے پیغام دیا کہ جب بھی کبھی ایسا کرنا چاہو تو بلاجھجھک مجھ سے رابطہ کرسکتے ہو، میں آپ کی زندگی میں مذہب کی اہمیت کو سمجھتا ہوں، میں کبھی بھی نماز ادا کررہا ہوں تو بین اسٹوکس بڑے احترام کی نگاہ سے دیکھتے ہیں۔
