ممبئی: بالی وڈ اداکارہ ڈانسر ملائکہ اروڑا نے کہا ہے کہ ان کے بیٹے ارہان کے دوست ان کے شوبز کام سے متعلق کنفیوژن کا شکار ہیں۔
ایک تازہ انٹرویو میں اداکارہ نے انکشاف کیا کہ ان کے بیٹے نے ایک دن ان سے کام کے متعلق پوچھا کہ وہ کیا کرتی ہیں کیوں اس کے دوست اس معاملے پر کنفیوز ہیں۔
ملائکہ اروڑا کے مطابق بیٹے کا کہنا تھا کہ وہ ایک کام نہیں کرتیں بلکہ فیشن شوز میں حصہ لیتی ہیں، ریئلٹی شو کرتی ہیں اور فلموں میں آئٹم سانگ بھی کرتی ہیں۔
اداکارہ نے بتایا کہ انہوں نے بیٹے سے کہ جو انہیں پسند آتا ہے اور جس کی انہیں ضرورت ہوتی ہے وہ وہی کام کرتی ہیں۔
یاد رہے کہ ارہان ارباز خان اور ملائکہ اروڑا کے اکلوتے بیٹے ہیں، وہ 2002ء میں پیدا ہوئے جبکہ ان کے والدین 19 سالہ ازدواجی زندگی کے بعد 2016ء میں علیحدہ ہوگئے تھے۔
