جنوبی افریقا، آسٹریلیا کو ہوم گراؤنڈ پر شکست دینے کے بھارتی میڈیا پاکستانی ٹیم کو آئی سی سی چیمپئینز ٹرافی ٹورنامنٹ کیلئے فیورٹ قرار دینے لگا۔
بھارت کے کئی سوشل میڈیا پلیٹ فارمز صحافی اور اسپورٹس تجزیہ کار آسٹریلیا اور ہوم سیریز میں نیوزی لینڈ کے ہاتھوں اپنی ٹیم کی حالیہ شکستوں پر کپتان روہت شرما اور سینئر کھلاڑیوں کو تنقید کا نشانہ بنارہے ہیں۔
یہی انفلوئنسرز ٹی20 ورلڈکپ میں پاکستان کے پہلے راؤنڈ سے باہر ہونے پر گرین شرٹس کا مذاق بنارہے تھے آج محض 6 ماہ بعد اپنی بھارتی ٹیم سے زیادہ پاکستان کو سپورٹ کرتے نظر آرہے ہیں، انکا کہنا ہےکہ ون ڈے فارمیٹ میں چیمپئینز ٹرافی سے قبل شاہینوں کا اسکواڈ مضبوط ہوگیا ہے۔
بابراعظم، محمد رضوان اور شاہین شاہ آفریدی فارم میں نظر آرہے ہیں جبکہ ٹورنامنٹ میں پاکستان ٹاپ 4 ٹیموں میں جگہ بنانے کیلئے بھی فیورٹ تصور کی جارہی ہے۔
سوشل میڈیا پر بیٹھے ان انفلوئنسرز کا کہنا ہے کہ پاکستان کی ون ڈے ٹیم کی فارم کو دیکھ کر لگ رہا ہے کہ دبئی میں ہونیوالا پاک بھارت ٹاکرا دلچسپ ہوگا اور کوئی بعید نہیں دونوں ٹیمیں فائنل میں بھی نظر آئیں۔
