برج ٹاو¿ن(ویب ڈیسک)کینسنگٹن اوول گراو¿نڈ میں کھیلے جا رہے پاکستان اور ویسٹ انڈیز کے درمیان دوسرے ٹیسٹ میچ کو جیتنے کیلئے پاکستان کو 188 کا ہدف درکار ہے۔ ٹیسٹ کے چوتھے روز کھیل کے اختتام پر ویسٹ انڈیز نے اپنی دوسری اننگز میں 9 وکٹوں کے نقصان پر 264 رنز بنائے تھے۔ کھیل کے آخری روز ویسٹ انڈیز کی ٹیم کے سکور میں صرف 4 رنز کا اضافہ ہو سکا۔ یوں پوری ٹیم 268 رنز بنا کر آو¿ٹ ہو گئی۔ پاکستان کی جانب سے ہدف کے تعاقب میں اظہر علی اور احمد شہزاد میدان میں اترے تاہم سکور ابھی 10 تک ہی پہنچا تو اظہر علی کیچ آو¿ٹ ہو گئے۔ اظہر علی نے 10 رنز بنائے اور ان کی وکٹ شینن گیبریل نے لی۔ اس کے بعد آنے والے بلے باز بابر اعظم نے دوسری اننگز میں بھی شائقین کرکٹ کو شدید مایوس کیا اور بغیر کوئی سکور بنائے وکٹ کیپر کے ہاتھوں کیچ آو¿ٹ ہو گئے۔ ان کی وکٹ الزائی جوزف کے حصے میں آئی۔ پاکستان کا سکور ابھی 27 رنز تک ہی پہنچا تھا کہ ٹیم کے سینئر کھلاڑی یونس خان بھی جلد آو¿ٹ ہو کر پویلین لوٹ گئے۔ یونس خان نے صرف 5 رنز بنائے اور انھیں ہولڈر نے ایل بی ڈبلیو کیا۔ اس کے بعد کپتان مصباح الحق بھی آتے ہی بغیر کوئی رن بنائے چلتے بنے۔ جوزف کی گیند پر ہوپ نے ان کا کیچ لیا۔ پاکستان کے پانچویں آو¿ٹ ہونے والے کھلاڑی اسد شفیق تھے جو بغیر کوئی رن بنائے آو¿ٹ ہوئے۔ گیبریل کی ہی گیند پر پاو¿ل نے ان کا کیچ لیا۔ پاکستان کی چھٹی وکٹ 35 کے سکور پر گری جب احمد شہزاد بھی 14 رنز بنا کر ایل بی ڈبلیو ہو گئے۔ انہوں نے صرف 14 رنز بنائے۔ اس کے بعد آنے والے نوجوان کھلاڑی شاداب خان بھی صرف ایک رن بنا سکے اور کیچ آو¿ٹ ہو گئے۔ یہ وکٹ بھی ہولڈر کے حصے میں آئی۔ اس کے بعد سرفراز احمد اور محمد عامر نے ٹیم کو سہارا دیا اور سکور کو آگے بڑھایا تاہم ٹیم کا سکور ابھی 78 رنز پر پہنچا تھا کہ محمد عامر ایک غلط شارٹ کھیلنے کی کوشش میں کیچ آو¿ٹ ہو گئے۔
