لاہور(کلچرل رپورٹر)اداکارہ ماہ نور بلوچ نے نجی ٹی وی کی فلم میں کام سے انکار کردیا۔ذرائع نے بتایا ہے کہ کراچی میں ایک نجی ٹی وی نے اداکارہ ماہ نور کو اپنی فلم میں لیڈ رول کی پیشکش کی لیکن انہوں نے کسی وجہ کے بغیر انکار کردیا جس کے بعد فلم کے ڈائریکٹرنے ماہ نور بلوچ کے ایک قریبی ساتھی اور شوبزکی معروف شخصیت سے سفارش بھی کرائی لیکن اس کے باوجود بھی ماہ نور بلوچ کام کے لئے تیار نہ ہوئیں۔اس بارے میں مزید معلوم ہواہے کہ ماہ نور بلوچ کو اس سے پہلے بھی متعددلوگوں کی طر ف سے فلموں میں کام کے لئے رابطہ کیا گیا ہے لیکن وہ ہر بار انکار کردیتی ہیں۔ ماہ نوربلوچ نے گزشتہ سال کافی عرصے کے بعد ڈائریکٹرفہیم برنی کی ایک سیریل میںکام کیا تھا جس کی کاسٹ میں اظفررحمن اور زرنش خان بھی شامل تھے۔
