ممبئی( ویب ڈیسک) معروف پاپ گلوکار جسٹن بیبر گرمی کے باعث بھارت کا دورہ ادھورا چھوڑ کر جنوبی افریقہ روانہ ہوگئے۔معروف گلوکار جسٹن بیبر بھارت میں ہونے والے کنسرٹ کے لیے 9 مئی کو ممبئی پہنچے تھے جہاں انہوں نے کنسرٹ میں شرکت کی اور انہیں سیرو تفریح کی غرض سے دہلی اور آگرہ جانا تھا تاہم ممبئی کی گرمی نے گلوکار کو فوراً ہی بھارت چھوڑنے پر مجبور کردیا۔بھارتی میڈیا رپورٹس کے مطابق جسٹن بیبر ممبئی میں کنسرٹ کے بعد تاج محل دیکھنے کے لیے آگرہ جانے کے خواہشمند تھے جس کے لیے باقاعدہ تیاری بھی کرلی گئی تھی جب کہ گلوکار کے اعزاز میں کئی نامور شخصیات نے عشائیے بھی رکھے تھے لیکن ممبئی کی گرمی نے نوجوان گلوکار کو کنسرٹ کے فوراً بعد ہی بھارت چھوڑنے پر مجبور کردیا۔جسٹن بیبرممبئی میں کنسرٹ کے دوران ہی گرمی کی شدت کا اظہار کرچکے تھے جس پر وہ کنسرٹ کے بعد ہوٹل جانے کی بجائے سیدھا ایئرپورٹ چلے گئے جہاں سے انہوں نے جنوبی افریقہ کی پرواز پکڑ لی جب کہ گلوکار کی ایئرپورٹ پر شرٹ تبدیل کرنے کی تصاویریں بھی سوشل میڈیا پر تیزی سے وائرل ہورہی ہیں۔واضح رہے کہ گلوکار جسٹن بیبر نے ممبئی میں ہونے والے لائیو کنسرٹ کے نام پر بھارتیوں کو بے قوف بنایا اور کئی گانوں پر صرف ہونٹ ہلاتے رہے۔
