تازہ تر ین

طاقتور پاسپورٹ: آئرلینڈ نمبر 1، پاکستان 195ویں

پاسپورٹس کی عالمی درجہ بندی کرنے والی معروف تنظیم نوماڈ کیپیٹلسٹ کی حالیہ رپورٹ کے مطابق آئر لینڈ نے دنیا کے سب سے طاقت ور پاسپورٹ کا اعزاز حاصل کر لیا۔

اس سالانہ فہرست میں صرف ویزا فری سفری سہولتوں کو نہیں بلکہ 5 اہم عوامل کو مدِنظر رکھا گیا ہے جس میں ویزا فری یا ویزا آن ارائیول سفری آزادی، شہریوں پر عائد ٹیکس کی نوعیت، دہری شہریت کی اجازت، ذاتی و سماجی آزادی شامل ہیں۔

آئر لینڈ کو ان تمام عوامل میں متوازن کارکردگی کی بنیاد پر مجموعی طور پر 109 پوائنٹس دیے گئے ہیں اور اسے سرِ فہرست مقام حاصل ہوا ہے، آئر لینڈ کے شہری 176 ممالک میں ویزے کے بغیر سفر کر سکتے ہیں۔

یونان اور سوئٹزر لینڈ نے 108 پوائنٹس کے ساتھ مشترکہ طور پر دوسرا مقام حاصل کیا ہے، جبکہ پرتگال تیسرے نمبر پر رہا۔

چوتھے نمبر پر لگسمبرگ جبکہ فن لینڈ اور ناروے مشترکہ طور پر پانچویں نمبر پر آئے۔

فہرست میں متحدہ عرب امارات، نیوزی لینڈ اور آئس لینڈ نے دسویں پوزیشن حاصل کی، جاپان اور سنگاپور اس رینکنگ میں قدرے پیچھے رہ گئے، اس کی بڑی وجہ ان ممالک میں دہری شہریت پر پابندیاں اور زیادہ ٹیکس کی پالیسیوں کو قرار دیا گیا ہے۔

فہرست کے نچلے حصے میں شامل ممالک میں پاکستان کو 195 ویں نمبر پر رکھا گیا ہے، جو کہ عالمی سطح پر پانچواں کمزور ترین پاسپورٹ سمجھا گیا ہے۔


اہم خبریں





دلچسپ و عجیب
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2021 All Rights Reserved Dailykhabrain