ہور’ کوئٹہ (کرائم رپورٹر )کائونٹر ٹیررازم ڈیپارٹمنٹ (سی ٹی ڈی ) نے پنجاب بھر میں 91 انٹیلی جنس بیسڈ آپریشنز کے دوران8دہشت گردوں کو گرفتار کر لیا۔ترجمان سی ٹی ڈی کے مطابق گرفتار دہشت گردوں کے قبضے سے دھماکہ خیز مواد، 2 ہینڈ گرنیڈ، 3 ڈیٹونیٹرز اور 20 فٹ فیوز وائر برآمد کی گئی ہے۔ترجمان کے مطابق گرفتار دہشت گردوں کی شناخت شہزاد، محمود، نعمان، عدنان اور فاروق کے نام سے ہوئی ہے۔ گرفتار دہشت گردوں کے خلاف 7 مقدمات درج کر لئے گئے ہیں جبکہ پنجاب بھر میں رواں ہفتے کے دوران 1,484 کومبنگ آپریشنز بھی کیے گئے، جن کے دوران 77 مشتبہ افراد کو گرفتار کیا گیا۔ترجمان کے مطابق کومبنگ آپریشنز کے دوران مجموعی طور پر 50 ہزار 865 افراد کی جانچ پڑتال کی گئی۔ سی ٹی ڈی محفوظ پنجاب کے ہدف کے تحت کارروائیاں جاری رکھے ہوئے ہے۔ سکیورٹی فورسزکی بلوچستان میں آپریشن ردالفتنہ3 کے تحت دہشت گردوں کے خلاف بھرپورکارروائیاں جاری ہیں، مزید دو دہشت گرد مارے گئے۔سکیورٹی ذرائع کے مطابق سکیورٹی فورسز نے ضلع چاغی کے علاقہ دالبدین میں انٹیلی جنس بیسڈ آپریشن کے دوران 2مطلوب دہشت گرد جہنم واصل کر دیئے۔آپریشن کے دوران سکیورٹی فورسز کی جانب سے دہشت گردوں کے ٹھکانوں پر موثراندازمیں حملہ کیا گیا، ہلاک دہشت گرد کوئٹہ-تفتان شاہراہ پرمسافروں کو ہراساں کرنے اورعلاقے میں خوف وہراس پھیلانے میں ملوث تھے۔سکیورٹی ذرائع کے مطابق ہلاک دہشت گرد شاہراہ پرتجارتی گاڑیوں اور مسافربسوں کو نذرِآتش کرکے ملکی معیشت کونقصان پہنچا رہے تھے۔ سکیورٹی فورسز بلوچستان سے دہشتگردی کے خاتمے کیلئے پرعزم ہیں، آخری دہشت گرد کے خاتمے تک جنگ جاری رہے گی۔
