میانوالی:تیز رفتار کار نے سڑک کنارے کھڑے تین افراد کو کچل ڈالا

میانوالی (این این آئی) تیز رفتار کار نے سڑک کنارے کھڑے تین افراد کو کچل ڈالا۔ تفصیلات کے مطابق کندیاں کے قریب ایک تیزرفتار کار بے قابو ہو کر سڑک کے کنارے کھڑے تین افراد پر چڑھ دوڑی جس کے نتیجہ میں محسن عباس نامی نوجوان موقع پر جاں بحق ہو گیا جبکہ رافع عباس اور حمزہ علی شدید زخمی، کار ڈرائیور کار چھوڑ کر موقع سے فرار ہونے میں کامیاب ہوگیا، اطلاع ملتے ہی ریسکیو 1122 کی ٹیم موقع پر پہنچ گئی اور متوفی مذکور اور زخمیوں کو ہسپتال منتقل کیا جہاں شدید زخمیوں کی حالت تشویشناک بتائی جارہی ہے۔ حادثے کا شکار افراد اپنے رشتہ دار کی نکاح کی تقریب میں شرکت کے لیے آئے ہوئے تھے، تھانہ کندیاں پولیس نے کار کو قبضہ میں لے کر تھانہ میں بند کردیا اور ڈرائیور کے خلاف مقدمہ درج کرکے ڈرائیور کی تلاش شروع کردی ہے۔