پنجاب بھر میں ماحولیاتی آلودگی پھیلانے والوں کیخلاف کریک ڈائون تیز

لاہور (این این آئی) پنجاب بھر میں گزشتہ 24 گھنٹے کے دوران ماحولیاتی آلودگی کے خلاف فیلڈ انفورسمنٹ مزید تیز کر دی گئی، ہاک آئی سکواڈ اور ڈرون سکواڈ کی مدد سے آلودگی پھیلانے والے ذرائع کے خلاف کارروائیوں میں تیزی لائی گئی ہے، اینٹوں کے بھٹوں، صنعتی یونٹس، غیر معیاری پلاسٹک، باربی کیو و کمرشل ککنگ پوائنٹس اور فیوجیٹو ڈسٹ کے خلاف سینکڑوں مقامات کی انسپیکشن، مسماری، سیلنگ، مقدمات کے اندراج اور جرمانوں کا سلسلہ جاری ہے۔ ترجمان محکمہ ماحولیات کے مطابق پنجاب بھر میں 284 صنعتی یونٹس کی انسپیکشن کی گئی۔2 یونٹس کو نوٹس اور 28 کو سموگ نوٹس جاری کیے گئے، 11یونٹس مسمار، 7سیل جبکہ خلاف ورزیوں پر 1.46ملین روپے جرمانہ عائد کیا گیا۔ 439 بھٹوں کی انسپیکشن، 13سموگ نوٹس، 14 بھٹے مسمار، 5سیل اور 12 مقدمات درج کرائے گئے۔ خلاف ورزیوں پر 1.9ملین روپے جرمانہ عائد کیا گیا۔ 196 مقامات کا معائنہ، 35 نوٹس اور 8مقامات سیل کیے گئے۔ 607کلوگرام غیر معیاری پلاسٹک ضبط جبکہ 15ہزار روپے جرمانہ عائد کیا گیا۔117باربی کیو و کمرشل ککنگ پوائنٹس کی چیکنگ کے دوران 26سموگ نوٹس جاری کیے گئے اور 66مقامات پر سکشن ہڈز نصب کرائے گئے۔ 3 مقامات سیل جبکہ 55ہزار روپے جرمانہ عائد کیا گیا۔