مولانا فضل الرحمان ماضی کے بیانات اور موجودہ موقف میں تضاد کی وضاحت کریں: دانیال چودھری

اسلام آباد (این این آئی)پارلیمانی سیکرٹری اطلاعات بیرسٹر دانیال چوہدری نے کہا ہے کہ مولانا فضل الرحمان کو اپنے ماضی کے بیانات اور موجودہ سیاسی موقف میں پائے جانے والے تضادات کی وضاحت کرنا ہوگی، کیونکہ قوم دہشت گردی، شہدا کی قربانیوں اور قومی سلامتی سے متعلق معاملات پر ان سے جواب طلب کر رہی ہے۔منگل کو پارلیمنٹ ہاس کے باہر میڈیا سے گفتگو کرتے ہوئے انہوں نے کہا کہ مولانا فضل الرحمان نے ماضی میں 9 مئی کے واقعات اور جی ایچ کیو پر حملے کے حوالے سے جو بیانات دیے، ان کی روشنی میں یہ سوال پیدا ہوتا ہے کہ آیا وہ اس وقت درست موقف اختیار کیے ہوئے تھے یا آج ان کا موقف درست ہے۔ دانیال چوہدری نے کہا کہ مولانا فضل الرحمان نے 2023 میں کہا تھا کہ 9 مئی کے واقعات کا مقصد مسلح افواج کا مورال کمزور کرنا تھا اور جی ایچ کیو پر حملے کے پیچھے اسرائیلی اور بھارتی ایجنٹوں کے ملوث ہونے کا دعویٰ بھی کیا تھا۔پارلیمانی سیکرٹری اطلاعات نے کہا کہ مولانا فضل الرحمان ماضی میں یہ موقف بھی اختیار کرتے رہے کہ ملک میں دو فوجیں نہیں ہو سکتیں اور اپنی فوج کو کمزور کرنے کا مطلب دشمن کی فوج کو تقویت دینا ہے۔ انہوں نے سوال کیا کہ اگر ماضی میں یہ بیانات درست تھے تو آج ان کے سیاسی مقف میں تبدیلی کی کیا وجوہات ہیں؟ انہوں نے کہا کہ قوم یہ جاننا چاہتی ہے کہ آیا ماضی کے بیانات غلط تھے یا موجودہ مقف میں کوئی تضاد ہے۔