لاہور(کرائم رپورٹر)شہر میں چوری اور ڈکیتی کی وارداتوں کے دوران شہریوں سے لاکھوں روپے’ طلائی زیورات’ موبائل فون’ موٹر سائیکلوں اور گاڑیوں سمیت دیگر سامان لوٹ لیا گیا۔ تفصیلات کے مطابق بادامی باغ میں اختر سے 3لاکھ 35ہزار روپے اور موبائل فون’ ڈیفنس بی میں ریحان سے 3لاکھ 15ہزار روپے اور موبائل فون، شیرا کوٹ میں شاہ میر سے 3لاکھ روپے اور موبائل فون، کوٹ لکھپت میں راشد سے 2لاکھ 75ہزار روپے موبائل فون اور دیگر سامان چھین لیا گیا۔ شالیمار اور مانگا منڈی سے گاڑیاں جبکہ اچھرہ لوہاری گیٹ اور نصیر آباد سے موٹرسائیکلیں چوری ہو گئیں۔
