سانگھڑ’ بس اور کار کا تصادم، بچے اور 2 خواتین سمیت 5 افراد جاں بحق، 3 زخمی

سانگھڑ’کراچی(این این آئی) ضلع سانگھڑ کے علاقے ٹنڈوآدم جھول روڈ پر مسافر بس اور کار کےدرمیان خوفناک تصادم کے نتیجے میں ایک بچے سمیت 5 افراد جاں بحق جبکہ 3 افراد شدید زخمی ہوگئے۔ جاں بحق ہونے والوں میں 2 مرد، 2 خواتین اور ایک بچہ شامل ہے۔ حادثے کے بعد زخمیوں کو طبی امداد کے لیے ہسپتال منتقل کیا گیا، جبکہ بس ڈرائیور موقع سے فرار ہوگیا۔ریسکیو ذرائع کے مطابق کراچی سے سانگھڑ جانے والی مسافر بس کی سانگھڑ سے سعید آباد جانے والی کار سے ٹکر ہوئی، جس کے نتیجے میں کار میں سوار 4 افراد موقع پر ہی دم توڑ گئے۔ حادثے میں زخمی ہونے والوں کو ابتدائی طبی امداد کے بعد حیدرآباد منتقل کیا جا رہا تھا کہ راستے میں ایک اور زخمی خاتون زخموں کی تاب نہ لاتے ہوئے چل بسی، جس کے بعد جاں بحق افراد کی تعداد 5 ہوگئی۔