پاکستان کی سی فوڈ برآمدات 568 ملین ڈالر کی ریکارڈ سطح پر پہنچ گئیں

کراچی(این این آئی) پاکستان کی کاروباری برادری کا اعتماد اور حوصلہ بلند ہوا ہے، جبکہ ملکی معیشت میں سمندری شعبے اور بلیو اکانومی کے فروغ کے وسیع امکانات موجود ہیں۔ پاکستان کے پاس ایک ہزار کلومیٹر سے زائد طویل ساحلی پٹی، دو لاکھ مربع کلومیٹر پر مشتمل خصوصی اقتصادی زون (EEZ) اور 50 ہزار مربع کلومیٹر کا اضافی سمندری علاقہ موجود ہے۔ بلیو اکانومی کو مؤثر انداز میں فروغ دے کر 100 سے 150 ارب ڈالر تک کی معاشی مالیت حاصل کی جا سکتی ہے۔ان خیالات کا اظہار 16ویں سالانہ پورٹ اینڈ شپنگ، لاجسٹکس اینڈ سپلائی چین مینجمنٹ (SCM) کانفرنس سمٹ اینڈ ایگزیبیشن 2026 سے خطاب کرتے ہوئے ملکی و غیر ملکی مقررین نے کیا۔ کانفرنس میں 16 اہم شخصیات نے اپنے خیالات کا اظہار کیا، جبکہ غیر ملکی مہمانوں اور سفارت کاروں کی شرکت بھی نمایاں رہی۔