کراچی(این این آئی)وزیر اعظم شہباز شریف کا دورہ کراچی مؤخر کر دیا گیا، دورے کی دعوت چیئرمین پیپلز پارٹی بلاول بھٹو زرداری نے دی تھی۔ ذرائع نے بتایا کہ وزیر اعظم شہباز شریف نے جمعہ کو کراچی کا دورہ کرنا تھا جس میں اہم ملاقاتیں طے تھیں، پرائم منسٹر ہاؤس میں ملسم لیگ (ن) اور پیپلز پارٹی کے وفود کے درمیان ملاقات میں اس دورے پر اتفاق ہوا تھا۔بلاول بھٹو زرداری نے شہباز شریف کو دورہ کراچی کی دعوت دی تھی، جبکہ صدر مملکت آصف علی زرداری اور وزیر اعظم کے درمیان لاہور میں ملاقات میں بھی دورے کا فیصلہ ہوا تھا۔یاد رہے کہ یہ دورہ ایک ایسے وقت میں مؤخر کیا گیا ہے جب بلاول بھٹو زرداری نے گزشتہ روز حکومت کو تنقید کا نشانہ بنایا اور نئے صوبوں کے قیام کی کھل کر مخالفت کی۔
