دبئی (نیوزایجنسیاں) انٹرنیشنل کرکٹ کونسل (آئی سی سی) نے ٹیسٹ پلیئرز کی تازہ ترین درجہ بندی جاری کر دی ہے۔آئی سی سی کی جانب سے جاری ہونے والی نئی ٹیسٹ رینکنگ میں ہاشم آملہ کی ٹاپ 10 میں واپسی ہوئی ہے۔ ٹیموں میں پاکستان بدستور چھٹے نمبر پرجبکہ بھارت پہلے ، جنوبی افریقہ دوسرے اورآسٹریلیا تیسرے نمبرپر براجمان ہے۔ زمبابوے کے کریگ ایرون20 درجہ آگے آتے ہوئے 40 ویں، سکندر رضا 28 درجے کی لمبی چھلانگ لگا کر 48 ویں جبکہ کولمبو ٹیسٹ میں مزاحمتی اننگز سے سری لنکا کو فتح سے ہمکنار کروانے والے اسیلا گونارتنے کیریئر میں پہلی مرتبہ 79 ویں نمبر پر آ گئے ہیں، پاکستان کے اظہر علی ایک درجہ تنزلی کے ساتھ 8 ویں نمبر پر آگئے ہیں۔باﺅلنگ میں کوئی پاکستانی بولر ٹاپ 10 میں شامل نہیں ہے، رویندرا جدیجا بدستور سرفہرست ہیں، سری لنکن کپتان رنگنا ہیراتھ نے روی چندرن ایشون کو پیچھے چھوڑتے ہوئے دوسری پوزیشن پر قبضہ جما لیا ہے، انگلینڈ کے جیمز اینڈرسن ایک درجہ آگے آتے ہوئے 5 ویں، جنوبی افریقی اسپنر کیشو مہاراج 12 درجے ترقی کے ساتھ 26 ویں، زمبابوے کے کپتان گریم کریمر 20 درجے کی چھلانگ کے ساتھ 53 ویں نمبر پر آ گئے ہیں۔آل راو¿نڈرز میں جنوبی افریقہ کے ورنن فلینڈر ٹاپ 5 میں شامل ہو گئے ہیں۔ شکیب الحسن بدستور سرفہرست جبکہ رویندرا جدیجا دوسرے، روی چندران ایشون تیسرے اور معین علی چوتھے نمبر پر موجود ہیں۔ جنوبی افریقہ اور انگلینڈ کے خلاف دوسرا ٹیسٹ میچ ختم ہونے کے بعد آئی سی سی کی نئی ٹیسٹ رینکنگ میں انگلینڈ چوتھے نمبر پر ہے ۔ نیوزی لینڈ پانچویں ، سری لنکا ساتویں، ویسٹ انڈیز آٹھویں، بنگلہ دیش نویں اور زمبابوے دسویں نمبر پر ہے۔
