اسلام آباد(نمائندہ خصوصی)سپریم کورٹ کی طرف سے پاناما لیکس کے معاملہ اور جے آئی ٹی رپورٹ پر فیصلہ محفوظ کیے جانے کے بعد پیپلز پارٹی کا ہنگامیاجلاس ، پی پی پی کے چیئر مین بلاول بھٹو زرداری کی صدارت میں منعقدہ اجلاس میںجے آئی ٹی رپورٹ پر سپریم کورٹ کے ممکنہ فیصلے کے تناظر میں طے کی گئی حکمت عملی کا ازسر نو جائزہ لیا گیا ،سپریم کورٹ کا فیصلہ وزیر اعظم نواز شریف کے حق میں نہیں آئے گا ، سپریم کورٹ کی حفاظت ہم نے کی اور آئندہ بھی کریں گے، پیپلز پارٹی کے رہنماﺅں کے دعوے۔جمعہ کو سپریم کورٹ کی طرف سے پاناما کے حوالے سے فیصلہ محفوظ کرنے کے بعدپاکستان پیپلز پارٹی کے چیئرمین بلاول بھٹو زرداری کی صدارت میں ہنگامی می اجلاس زرداری ہاﺅس اسلام میں ہوا، اجلاس میں پیپلز پارٹی کے سیکریٹری جنرل سید نیر حسین بخاری، سینیٹر فرحت اللہ بابر،سینیٹر شیری رحمان،ہمایوں خان، مصطفی نواز کھوکھر ،فیصل کریم کنڈی اور جمیل سومرونے شرکت کی۔ اجلاس میں سپریم کورٹ کے متوقع فیصلے کے پہلوو¿ں پر غور کیا گیا جبکہ ممکنہ عدالتی فیصلےکے تناظر میں طے کی گئی پارٹی حکمت عملی کا ازسر نو جائزہ بھی لیا گیا ۔ اجلاس کے بعد چیئرمین پیپلز پارٹی بلاول بھٹو زرداری کراچی روانہ ہوگئے۔دریں اثناءپیپلز پارٹی کے پنجاب کے صدر اورسابق وفاقی وزیر قمرزمان کائرہ نے صحافیوںسے بات کرتے ہوئے کہا کہ سپریم کورٹ کا فیصلہ وزیراعظم کے حق میں نہیں آئے گا، جھوٹے بیانات اور کاغذات کے معاملے پر نوازشریف جیل جاسکتے ہیں۔انھوں نے کہا کہ دھمکیاں دے رہے ہیں، عدالت نے بھی سوچا انہیں کیا کہیںجو دھمکیاں کل دی گئیں وہ حکمران وقت کو نہیں کہنا چاہیے، لگتا ہے حکمرانوں کو اپنی تقدیر کے فیصلے کا پتہ لگ چکا ہے۔قمرزمان کائرہ نے کہا کہ شیخ رشید نے درست کہا عدالت جے آئی ٹی کی حفاظت کیلئے کچھ کرے، ایل ڈی اے پلازہ کو آگ لگی ریکارڈ جل گیا، کسی کو نہیں پوچھا گیا، الزام لگتا ہے ثبوت مانگتے ہیں آگ لگتی ہے اور ریکارڈ جل جاتا ہے۔انہوں نے کہا کہ کل ججز نے شریف خاندان کو بتا دیا کہ آپ پر الزامات کیا ہیں، پاناما کیس کی سماعت مکمل ہونے کے بعد تاریخ نے اعلیٰ عدلیہ کے کندھوں پر بہت بڑی ذمہ داری ڈال دی ہے، پہلے بھی عدالتوں کے پاس کئی مواقع آئے لیکن وہ اس طرح استعمال نہیں ہوپائے بلکہ بعض اوقات تو یہ مواقع غلط استعمال ہوئے۔سابق وزیرداخلہ سینیٹررحمان ملک نے کہا کہ ساری جماعتیں پیچھے رہ جائینگی صرف ایک جماعت آگے جائے گی وہ پیپلز پارٹی ہے، تجسس تھا کہ والیم ٹین میں کیا ہے وہی دیکھنے آیا ہوں۔ پیپلزپارٹی کے رہنما سردار لطیف کھوسہ نے کہا کہ پاناما کیس میں وزیراعظم اوران کے وزیرنااہل ہونگے ، نوازشریف شہنشاہ بنتے جارہے تھے اور من مانیاں چل رہی تھیں، الیکشن کمیشن میں نوازشریف کیخلاف ہم نے درخواست دی۔لطیف کھوسہ نے کہا کہ سپریم کورٹ کی حفاظت ہم نے کی اور آئندہ بھی کریں گے جو دھمکیاں دے رہے ہیں، سن لیں عوام سپریم کورٹ کی ضامن ہے، شریف خاندان کو بار بار کہا گیا منی ٹریل بتا دیں، شریف خاندان کو وضاحت دینے کیلئے کئی مرتبہ موقع دیا گیا، سسلین مافیا اور گاڈ فادر سے پاکستان کے عوام کو چھٹکارا ملے گا۔
پانامہ کا ممکنہ فیصلہ ، پی پی کے بڑوں نے بھی سر جوڑ لئے
