سعودی عرب کے سول ڈیفنس نے منگل کے روز مکہ مکرمہ، جدہ اور طائف سمیت مغربی علاقوں کے لیے ہنگامی الرٹ جاری کرتے ہوئے شہریوں کو ممکنہ خطرے سے خبردار کیا۔ حکام نے شہریوں کو فوری طور پر محفوظ مقامات پر منتقل ہونے، گھروں کے اندر رہنے اور کھڑکیوں سے دور رہنے کی ہدایت کی۔
یہ الرٹ ایسے وقت میں جاری کیا گیا جب سعودی عرب کو یمن کے حوثی گروپ کی جانب سے میزائل اور ڈرون حملوں کا سامنا ہے۔ سعودی حکام کے مطابق حالیہ حملوں میں متعدد شہری زخمی ہوئے جبکہ مختلف مقامات پر املاک کو بھی نقصان پہنچا۔
سعودی سول ڈیفنس نے بعد ازاں متعدد علاقوں میں خطرہ ٹلنے کا اعلان بھی کیا۔ تاہم شہریوں کو احتیاط برقرار رکھنے اور حکام کی ہدایات پر عمل کرنے کی ہدایت کی گئی ہے۔
