لاہور(کرائم رپورٹر) عزت کے محافظ سگے باپ نے بیٹی کی عزت کا جنازہ نکال دیا،ملت پارک کے علاقہ میں باپ کی سگی بیٹی کے ساتھ مبینہ زیادتی ، متاثرہ لڑکی کی درخواست پر مقدمہ درج ، پولیس نے ملزم کو گرفتار کر کے تفتیش شروع کر دی ۔ بتایا گیا ہے کہ تھانہ ملت پارک کے علاقہ پکی ٹھٹھی میں باپ نے اپنی سگی بیٹی کو جنسی ہوس کا نشانہ بنا ڈالا ۔جواں سالہ متاثرہ لڑکی اقراءبی بی نے تھانے میں دی گئی درخواست میں پولیس کو بتایا کہ وہ اپنے والد اور بھائی محمد علی کے ہمراہ ڈاکخانہ پکی ٹھٹھی ملت پارک کے علاقہ میں کرائے کے مکان میں رہائش پزیر ہیں۔ اقراءکا کہنا ہے کہ اسکا والداصغر رات کی ڈیوٹی کرتا ہے جبکہ بھائی محمد علی ایل ٹی سی میں بطور ٹکٹ چیکر دن کی ڈیوٹی کرتا ہے ۔اس کا کہنا تھا کہ گزشتہ روز جب میرا بھائی ڈیوٹی پر جارہا تھا تو والد ڈیوٹی سے گھر واپس آگیا اور میں بھائی کو ڈیوٹی پر بھیج کر اپنے کمرے میں آکر لیٹ گئی جہاں میرا والد پہلے مجھ سے دست اندازی کرتا رہا ۔میری جانب سے چھیڑ چھاڑ پر سختی سے منع کر نے پر میرے والد نے میرے منہ میں کپڑا ٹھونس کر مجھے زیادتی کا نشانہ بنا ڈالا اور بعد میں مجھے سنگین نتائج کی دھمکیاں دینے لگا ۔ میں نے موقع دیکھ کر ہمسائی کے فون سے اپنی والدہ اور بھائی کو کال کر کے تمام واقع بتایا جس پر وہ پہنچ گئے اور ان کی مدد سے میں تھانے میں اپنے ولد کے خلاف اندراج مقدمہ کی درخواست دے رہی ہوں ۔متاثرہ لڑکی کی درخواست پر ملت پارک پولیس نے کاروائی کرتے ہوئے مبینہ ملزم اصغر کو گرفتار کر کے مقدمہ نمبر 322/17درج کر کے کاروائی کا آغاز کر دیا ہے ۔ پولیس کا کہنا ہے کہ یہ ایک ایسا واقع ہے کہ جس سے انسانیت بھی شرما جائے۔
